उमेश भुजेल ,खोटाङ ।
सेवाका लागि युवा नेपाल संस्थाले ओखलढुंगाका दुई स्वास्थ्य संस्थालाई २० लाख बराबरको स्वास्थ्य सामाग्री प्रदान गरेको छ । कोरोना रोकथाम सँगै अन्य रोगको उपचारमा सहज होस उद्धेश्यले संस्थाले जिल्लाको सुनकोसीको कजुञ्जे स्वास्थ्य चौकी र मोलुङको कुन्तादेवी स्वास्थ चौकीलाई स्वास्थ्य सामाग्री सहयोग गरेको हो ।
संस्थाको सदस्य समेत रहेका जिल्लाको सुनकोसी गाउँपालिका ९ कटुञ्जेका युवा एकराज धमलाको पहलमा कटुञ्जे स्वास्थ्य चौकीलाई १५ लाख भन्दा बढि र मोलुङ गाउँपालिका – १ कुन्तादेवी स्वास्थ्य चौकीलाई ४ लाख भन्दा बढिको स्वास्थ्य सामाग्री वितरण गरिएको सस्थाका अध्यक्ष असिल कुमार साहीले बताए । सस्थाले कुन्तादेवी स्वास्थ्य चौकीलाई, अक्सिजन कन्सन्टेटर, पिपिइ सेट, माक्स, सेनिटाइजर, ग्लोब्स, थर्माेमिटर, थर्मल गन लगायत गरि ४ लाख बढिको स्वास्थ्य सामाग्री प्दान गरेको हो ।
प्राप्त स्वास्थ्य सामाग्री एक कार्यक्रमका बिच स्वास्थ्य चौकीलाई हस्तान्तरण गरिएको वडा अध्यक्ष प्रदिप कुमार बानियाले जानकारी दिए । यस्तै सोमबार नै जिल्लाको सुनकोसी गाउँपालिका ९ कटुञ्जे स्वास्थ्य चौकीलाई अक्सिजन कन्सनटेटर, प्रोटेकल भिडियो एक्स–रे मेशिन, बेड, मास्क, सेनिटाइजर लगायत १५ लाख भन्दा बढिको स्वास्थ्य सामाग्री प्राप्त भएको सुनकोसी ९ को वडा अध्यक्ष झनक कुमार कार्कीले बताएका छन् । प्राप्त स्वास्थ्य सामाग्री एक कार्यक्रमको आयोजना गरि स्वास्थ्य चौकीलाई हस्तान्तरण गरिएको छ ।
कार्यक्रमलाई सम्बोधन गदै वडा अध्यक्ष कार्कीले गाउँको स्वास्थ्य सेवाको क्षेत्रमा धेरै ठुलो सहयोग गरेको भन्दै सेवाका लागि युवा नेपाल संंस्था र स्थानीय युवा एकराज धमलालाई धन्यावाद् दिनु भएको छ । आगामी दिनमा पनि ग्रामीण क्षेत्रका नागरिकलाई सहज स्वास्थ्य सेवा प्रदान गर्ने वडाको योजनामा यसरी नै सहयोग गर्न उनले आग्रह गरे ।
सेवाका लागि युवा नेपाल सस्था कास्की पोखरामा दर्ता भएर ग्रामीण क्षेत्रमा स्वास्थ्य सेवालाई सहज बनाउने उदेश्यका सहयोग गरिरहेको सस्थाका अध्यक्ष साहीले बताए । सस्थाले यो भन्दा अघि पनि पूर्वको ताप्लेजुङ्ग, इलाम लगायतको जिल्लाहरुमा स्वास्थ्य सामाग्रीहरु वितरण गरेको र यसलाई देशव्यापी बनाउने योजना रहेको उनको भनाई छ । गाउँका नागरिकले स्वास्थ्य सेवाको अभावमा ज्यान गुमाउने अवस्था सिर्जना नहोस भन्नका लागि सहयोगका कार्यक्रमलाई निरन्तरता दिइने संस्थाले जनाएको छ ।
