अमेरिकी अन्तरिक्ष निकाय नासाको पर्सिभिअरन्स रोभरले दोस्रो प्रयासमा मङ्गल ग्रहबाट चट्टानको नमुना सङ्कलन गरेको पुष्टि गरेको छ।
उक्त रोबटले “रोशेट” नाम दिइएको एउटा बाक्लो ढुङ्गामा प्वाल पारेर उक्त नमुना निकालेको हो।
तस्बिरहरूमा ढुङ्गाको भित्री भागबाट सुरक्षित रूपमा नमुना निकालिएको प्रमाण पाइएको छ।
गत महिना गरिएको पहिलो प्रयासमा सङ्कलन गर्न खोजिएको नमुना धूलोपिठो भएको थियो।
पृथ्वीबाहिर कुनै ग्रहबाट पृथ्वी ल्याउन चट्टान सङ्कलन गरिएको यो पहिलो पटक हुनेछ।
यस्तो रहेछ मङ्गल ग्रहको भित्री संरचना
चिनियाँ रोभर जुरोङले मङ्गल ग्रहबाट पठाएका भिडिओ सार्वजनिक
उक्त रोभरले आगामी वर्षभित्र दुई दर्जन वटाभन्दा बढी नमुना सङ्कलन गर्ने जिम्मा पाएको छ।
यो दशकको अन्त्यतिर अमेरिका र युरोपको संयुक्त प्रयासमा ती नमुना अनुसन्धानका लागि पृथ्वीमा ल्याइने योजना छ।
चट्टानमा प्वाल पार्ने अभ्यास साँच्चै सफल भएको घोषणा गर्नका लागि नासाले मङ्गल ग्रहमा खिचिएका थप तस्बिरहरू कुरेको थियो।
मङ्गल ग्रह
तस्बिर स्रोत,NASA
“अझ निश्चित हुन राम्रो प्रकाश भएका थप केही तस्बिर चाहिन्छ,” रोभरका प्रमुख इन्जिनियर एडम स्टेल्ट्ज्नरले केही दिनअघि ट्वीट गरेका थिए।
जेजेरो नामक खाडलको त्रिवेणीमा प्राचीन संरचना संरक्षित भएको मानिन्छ
तस्बिर स्रोत,NASA/JPL/JHUAPL/MSSS/BROWN UNIVERSITY
तस्बिरको क्याप्शन,
जेजेरो नामक खाडलको त्रिवेणीमा प्राचीन संरचना संरक्षित भएको मानिन्छ
नासाको पर्सिभिअरन्स रोबटले गत फेब्रुअरी महिनामा मङ्गल ग्रहको जेजेरो क्रेटरमा अवतरण गरेको थियो।
मङ्गल ग्रहको मध्यरेखाबाट २० डिग्री उत्तरमा अवस्थित उक्त खाडल गहिरो छ र ४५ किलोमिटर चौडा छ।
त्यहाँ अर्बौँ वर्षअघि विशाल ताल भएको विश्वास गरिन्छ।
त्यसैले मङ्गल ग्रहमा जीवन अस्तित्वमा थियो भने जेजेरोको थेगरमा प्राचीन सूक्ष्मजीवको अंश भेटिन सक्ने वैज्ञानिकहरूको अनुमान छ।
मङ्गल ग्रहमा अक्सिजन बनाउन नासा सफल
पहिलो पटक मानवसहित अन्तरिक्ष गएको यानमा यस्ता खतरा थिए
अवतरण गरिएको ठाउँबाट रोबट दुई किलोमिटरभन्दा केही पर गुडेर “सिटडेल” नाम दिइएको डिलमा पुगेको छ।
सोही स्थानमा भएको चट्टानमा प्वाल पारेर नमुना सङ्कलन गरिएको हो।
पेभर स्टोन – मङ्गल ग्रहमा प्वाल पारिएको पहिलो चट्टान
तस्बिर स्रोत,NASA/JPL-CALTECH
तस्बिरको क्याप्शन,
अगस्ट महिनामा पेभर स्टोनमा प्वाल पार्दा सङ्कलित नमुना धूलिएको थियो
