गैँडाकोट। निरन्तरको बर्षाका कारण नवलपरासीको (बर्दघाट–सुस्तापूर्व) गैँडाकोट–४ मा २०० भन्दा बढी घर डुबानमा परेको र उक्त कुरालाई जनप्रतिनिधीले बेवास्ता गरेको भन्दै स्थानियले गैंडाकाेट नगरपालिकाको प्रशासनिक भवन तालाबन्दी गरेककाछन् ।
निरन्तर परेको पानीले घर डुबानमा परेपछि घरमा खान, बस्न, सुत्न समस्या हुँदा समेत स्थानीय सरकारले चासो नदिएको प्रती स्थानियको गुनासो रहेको छ ।
पूर्वपश्चिम राजमार्गसँगै जोडिएको राजमार्गको उत्तरतर्फ पर्ने गैँडाकोट–४ मा अव्यवस्थितरुपमा बस्ती बसाइएको र पानीको निकास नगरिँदा आफ्नो घर तथा पसल डुबानमा परेको स्थानियले बताएकाछन् ।
पानी निकासका लागि नगरपालिकाले वडा कार्यालयलाई देखाउने वडा कार्यालयले नसक्ने भनेपछि स्थानीय रुष्ट भएका स्थानीय अमिन श्रेष्ठको भनाई रहेको छ ।
अघिकांश एक तले घर डुबानमा परेपछि खाना बस्नका साथै शौचालय जान पनि नसकिने अवस्था रहेको छ। यस क्षेत्रमा बर्खाको बेलामा प्रत्येक वर्ष एउटै समस्या दोहोरिने गरेको भए पनि यसको दीर्घकालीन समाधान भने हुन नसकेको पालिकाबासीको गुनासो रहेको छ।
जेसिभीलगायतका उपकरणको प्रयोग गरी नगरभित्र जमेको पानीलाई नारायणी नदीतर्फ निकास गर्ने काम तुरुन्त सुरु गरिहाल्ने नगर प्रमुख छत्रराज पौडेलको भनाई रहेको छ ।
