शरीरमा मालिसदेखि भान्सासम्म प्रयोग हुने तेल हाम्रो जीवनमा अत्यन्त महत्वपुर्ण मानिन्छ । अझ धार्मीक महत्व समेत भएकाले तेलको प्रयोग पुजाकोठादेखि मन्दिरसम्म हुने गर्दछ ।
देवीदेवता रिझाउन वा शनिदेव र हनुमानलाई तेल अर्पण गरे प्रसन्न हुने र कृपा प्राप्त भइ सबै कष्ट निवारण हुने धार्मीक मान्यता छ । तेललाई शनीदेवसंग सम्बन्धित मानिन्छ । तेललाई पूजामा कसरी प्रयोग गर्ने र यसबाट घरमा सुख–समृद्धि कसरी भित्र्याउने त्यसबारे जान्नुहोस् ।
१. चमेलीको तेल
हरेक मंगलबार वा शनिबार पुजा सामाग्रीमा सिन्दूर र चमेलीको तेल थप गरी हनुमानको आराधना गरेमा सम्पुर्ण मनोकामना पुर्ण हुने धार्मीक विश्वास छ । तर हनुमानलाई अर्पण गर्ने चमेलीको तेलमा दियो बाल्ने भने होइन प्रतिमामा दलेर आराधना गर्नु पर्दछ ।
२. सरस्युको तेल
एक बटुका सरस्युको तेलमा आफ्नो छाँया हेरेर शनिवार साँझ शनि मन्दिरमा राखेर आएमा शनिदोष बाट मुक्ति मिल्ने धार्मीक मान्यता छ । यस अलावा शनिदेवलाई तेल चढाएमा शनिदेवको कृपा प्राप्त हुने धार्मीक विश्वास रहेको छ ।
३. तिलको तेल
लगातार ४१ दिनसम्म पीपलको रुख मुनी तिलको तेलमा दियो बालेमा असाध्य रोगबाट छुटकारा मिल्ने र बिरामी स्वस्थ्य हुने धार्मीक मान्यता छ । साधना र सिद्धि पाउन पीपलको फेदमा दियो बाल्ने धार्मीक रिती रहेको छ ।
४. शारीरिक कष्ट निवारण
कम्तिमा ३ वा सो भन्दा बढि शनिवार सरस्युको तेलमा सवा किलो आलू र बैगन (भण्टा)को तरकारी बनाउने र त्यति नै वजनको पूरी सरस्युको तेलमा बनाएर दिव्यांग र गरीबमा वितरण गरेमा कुनै पनि प्रकारको शारिरिक कष्ट निवारण हुने धार्मीक विश्वास छ ।
धन–समृद्धि र सुख शान्ति पाउन
शुद्ध तेलको दियोमा ल्वाङ हालेर हनुमानको आरती गरेमा अनिष्ट नाश हुने र धनयोग बन्ने धार्मीक मान्यता छ । साथै पारिवारिक जीवनमा खुसी र शान्ति पाउन कुनै पनि आश्रममा केही अन्न, पिठो र सरस्युको तेला दान गर्नुपर्ने धार्मीक मान्यता छ । विभिन्न एजेन्सीको सहयोगमा
