नेकपा एमालेका वरिष्ठ नेता माधवकुमार नेपाल समूह सरकारमा जाने पक्का भएको छ। केहि दिन अगाडी भएको बाम गठबन्धनको बैठकमा समेत सामेल भएका नेता नेपाल अब सरकारमा सहभागी हुने पक्का छ।
पार्टी भित्रको आन्तरिक किचोलो अथवा विवाद हुँदा हुँदै पनि नेपाल समूह सरकारमा सहभागी हुने भएको छ। तर केपी शर्मा ओलीले भने नेपाल समूह सरकारमा सहभागी भए एमाले फुट्ने र एकता गर्न नसक्ने दावी गरेका छन्।
दुवै समूहले एकअर्कालाई आरोप-प्रत्यारोप लगाउँदै आए पनि एकताको लागि भने अझै प्रयास छ। तर नेपाल समूह भने ओलीको कुनै पनि कुरालाई पत्याउन नसक्ने दावी गर्दै आएको छ।
ओलीले बाटो बिराएका सबै नेताहरुलाई आममाफी दिने घोषणा गरिसकेका छन्। तर ओलीको यो घोषणालाई नपत्याएपछि ओलीले फेरी अर्को सुत्र अपनाएका छन्।
ओलीले फेरी पार्टीको दोस्रो अध्यक्ष दिने दावी गरेका छन्। ओलीले माधव नेपाललाई दोस्रो अध्यक्ष दिन तयार भएको बताएपछि नेपालले भने यो भ्रममा नपर्न आग्रह गरेका छन्। नेपालले आफ्नो पक्षका नेता, कार्यकर्तालाई ओलीको यो भ्रममा नपर्न आग्रह गरिसकेका छन्।
ओली समूह भने नेपाल समूहलाई सक्दो मिलाउन एकता गर्ने प्रयास गरिरहेको छ। तर नेपाल भने अहिले नै पार्टी एक गर्न नसक्ने दावी गर्दै आएको छ।
नेपाल समूह सरकारमा जाने पक्का भएपछि मन्त्री बन्न नेताहरु दौडधुप चलेको छ। स्रोतका अनुसार रामकुमारी झाँक्री शिक्षामन्त्री बन्ने पक्का भएको छ। नेपाल समूह केहि दिनभित्रै सरकारमा सहभागी हुने भएपछि झाँक्री मन्त्री बन्न तयार छिन्।
उनी पछिल्लो समय ओलीको आलोचना गर्दै नेपाललाई साथ दिंदै आएकी छन्।
