काठमाडौं । नेपाल टेलिकमले संविधान दिवस २०८३ को अवसरमा आफ्ना प्रिपेड तथा पोस्टपेड मोबाइल ग्राहकलाई लक्षित गर्दै नयाँ डेटा अफर सार्वजनिक गरेको छ । ग्राहकको सुविधालाई ध्यानमा राख्दै कम्पनीले ३० दिनसम्म प्रयोग गर्न सकिने ‘अनलिमिटेड लाइट’ र ‘अनलिमिटेड प्रो’ नामका दुई प्रकारका डेटा प्याकेज सञ्चालनमा ल्याएको हो ।
टेलिकमका अनुसार अफरअन्तर्गत करसहित ४९९ रुपैयाँमा ‘अनलिमिटेड लाइट ४९९’ प्याकेज खरिद गर्न सकिनेछ । उक्त प्याकेज खरिद गरेपछि ग्राहकले ३० दिनसम्म दैनिक ५ जीबीका दरले डेटा प्रयोग गर्न पाउनेछन् ।
दैनिक ५ जीबी डेटा सीमा पूरा भएपछि पनि इन्टरनेट सेवा पूर्णरूपमा बन्द नहुने टेलिकमले जनाएको छ । ५ जीबीको सीमा सकिएपछि सोही दिनको बाँकी अवधिभर २ एमबीपीएस गतिको अनलिमिटेड इन्टरनेट प्रयोग गर्न सकिने व्यवस्था गरिएको छ ।
कम्पनीका अनुसार ‘अनलिमिटेड लाइट ४९९’ प्याकेज ३० दिनसम्म प्रयोग गर्न सकिनेछ । यस प्याकेजमा पोस्टपेड ग्राहकले नियमित रूपमा तिर्नुपर्ने मासिक रेन्टल चार्जसमेत समावेश गरिएको टेलिकमले स्पष्ट पारेको छ ।
संविधान दिवसका अवसरमा ल्याइएको उक्त अफरले प्रिपेड तथा पोस्टपेड दुवै मोबाइल ग्राहकलाई लामो अवधिका लागि डेटा प्रयोगको सुविधा दिने टेलिकमको अपेक्षा छ । कम्पनीले ग्राहकको आवश्यकता र डेटा प्रयोगको प्रवृत्तिलाई ध्यानमा राखी थप प्याकेजसहितको अफर सञ्चालनमा ल्याएको जनाएको छ ।
