काठमाडौं । इस्लाम धर्मावलम्बीका अन्तिम पैगम्बर हजरत मोहम्मद सलल्लाहो अलैहिवसल्लमको १५०१औँ जन्मजयन्ती आज नेपालसहित विभिन्न स्थानमा विविध धार्मिक कार्यक्रम आयोजना गरी मनाइँदैछ।
जन्मजयन्तीका अवसरमा मुस्लिम समुदायले ¥याली, सभा तथा धार्मिक कार्यक्रम आयोजना गरेका छन्। कार्यक्रममा पैगम्बर मोहम्मदका उपदेश, शिक्षासहित मानवता, शान्ति, सद्भाव र सामाजिक एकताका लागि उहाँले दिएको योगदानलाई स्मरण गरिँदैछ।
काठमाडौंमा रहेको नेपाली जामे मस्जिद, काश्मिरी जामे मस्जिदलगायत विभिन्न मस्जिद तथा मुस्लिम समुदायका धार्मिकस्थलमा विशेष कार्यक्रम आयोजना गरिएको छ। कार्यक्रममा मुस्लिम धर्मावलम्बीको उल्लेख्य सहभागिता रहने छ। भने नेपाल सरकारले आज मुस्लिम समुदायका लागि सार्वजनिक बिदा समेत दिएकाे छ।
इस्लाम धर्मावलम्बीहरूका अनुसार पैगम्बर मोहम्मदको जन्म साउदी अरबको मक्कामा भएको थियो। उहाँले मानवता, समानता, भ्रातृत्व, न्याय र शान्तिको सन्देश प्रवाह गर्नुभएको विश्वास मुस्लिम समुदायमा रहेको छ।
पैगम्बर मोहम्मदको जन्मजयन्ती मुस्लिम समुदायका लागि महत्वपूर्ण धार्मिक अवसरका रूपमा मनाइँदै आएको छ। यस अवसरमा मुस्लिम समुदायले धार्मिक आस्था र परम्पराको संरक्षणसँगै आपसी सद्भाव, शान्ति र सामाजिक एकताको सन्देश प्रवाह गर्ने गरेका छन्।
