खोटाङ। राष्ट्रिय स्वतन्त्र पार्टी (रास्वपा) खोटाङको जिल्ला अधिवेशन सम्पन्न भएको छ। अधिवेशनबाट जिल्लाको नयाँ नेतृत्व चयन गरिएको छ।
अधिवेशनबाट पुन: मुकुन्द कृष्ण थापा जिल्ला सभापतिमा निर्वाचित हुनुभएको छ। त्यसैगरी गोविन्द भुजेल उपसभापति, पर्शुराम थापा ‘आशिष’ सचिव, राजन अधिकारी सहसचिव तथा तारा दाहाल कोषाध्यक्ष पदमा निर्वाचित हुनुभएको छ।
साथै अधिवेशनले अन्य सदस्यहरू समेत चयन गरेको छ।
कार्यक्रमको प्रमुख अतिथिका रूपमा माननीय सृष्टि भट्टराई सहभागी हुनुभएको थियो। उहाँले पार्टीलाई जनताको अपेक्षा अनुरूप अगाडि बढाउन संगठनलाई थप सुदृढ बनाउनुपर्नेमा जोड दिनुभएको थियो।
नवनिर्वाचित पदाधिकारी तथा सदस्यहरूलाई बधाई तथा सफल कार्यकालको शुभकामना व्यक्त गर्दै अधिवेशनले पार्टी संगठन विस्तार, सुशासन, पारदर्शिता र जनसरोकारका विषयलाई प्राथमिकताका साथ अघि बढाउने प्रतिबद्धता जनाएको छ।
अधिवेशनबाट निर्वाचित सम्पूर्ण पदाधिकारी तथा सदस्यहरूलाई शुभकामना दिँदै नयाँ कार्यसमितिले खोटाङ जिल्लामा पार्टीको संगठनात्मक मजबुती र जनविश्वास अभिवृद्धिमा महत्वपूर्ण भूमिका खेल्ने अपेक्षा गरिएको छ।
