खोटाङ । नेपाल पत्रकार महासंघ जिल्ला शाखा खोटाङले ‘खोज पत्रकारिता एवम् मल्टिमिडिया’ सम्बन्धी पाँचदिने तालिम सुरु गरेको छ । कोशी प्रदेश सरकार, सामाजिक विकास मन्त्रालयको आर्थिक सहयोगमा नेपाल पत्रकार महासङ्घ खोटाङले जिल्लामा क्रियाशील पत्रकारहरूलाई सहभागी गराएर (मंगलवार) देखि जेठ ९ गतेसम्म पाँचदिने पत्रकारिता तालिमको आयोजना गरेको हो ।
जिल्लामा क्रियाशील पत्रकारहरूलाई खोज पत्रकारितामा केन्द्रित गर्दै ‘डिजिटल’ पत्रकारितामा दक्ष बनाउन तालिमको आयोजना गरिएको नेपाल पत्रकार महासङ्घ खोटाङका अध्यक्ष हरिबोल आचार्यको भनाई रहेको छ ।
दिक्तेल बजारस्थित होटल शुभदिनमा सुरु गरिएको पत्रकारिता तालिममा जिल्लामा क्रियाशील ३० जना पत्रकारहरूको सहभागिता रहेको पत्रकार महासङ्घ खोटाङका सचिव राजकुमार भट्टराई ‘सरगम’ले जानकारी दिए ।
तालिममा नेपाल पत्रकार महासङ्घका पूर्वकेन्द्रीय अध्यक्ष डा.सुरेश आचार्यले खोज पत्रकारिता तथा विकास कार्कीले मल्टिमिडियाका बारेमा सहजीकरण गरिरहेका छन् ।
नेपालमा डिजिटल युग सुरु भएको अवस्थामा नेपाल पत्रकार महासङ्घ खोटाङले मल्टिमिडियासम्बन्धी तालिमको आयोजना गरेकाले आफूहरू उत्साहित बनेको सहभागी पत्रकारहरूले बताएका छन् ।
