कहिले २ लाख रुपैयाँ धितो राखेर ६७ लाख रुपैयाँ कर्जा प्रवाह गर्ने त कहिले ग्राहकको खाताबाट पैसा गायब पार्ने गरिरहेको बैंकले यसपटक आफ्नै कर्मचारीलाई झुण्डिएर आत्महत्या गर्न बाध्य बनाएको रहस्य बाहिरिएको छ ।
यो हेरौं ।
फेसबुकमा यस्तो लेखेर बैंकका कर्मचारी पिताम्बर खड्काले अघि बैंकका सिइओ सुरेन्द्र राज रेग्मी, बैंकका असिस्टेन्ट सिइओ दीपचन्द्र रेग्मी, एचआर प्रमुख अनामिका सिंह कुँवर र बैंकका डेपुटी सिइओ सुमन पोखरेलको सोसल मिडियामा फोटो राखेर, उनीहरुलाई नै ट्याग गरी सोमबार आत्महत्या गरेका छन् ।
अत्याधिक टर्चर दिएर कर्मचारीलनई आत्महत्या गर्न बाध्य पारेको घटनाले ग्लोबल आइएमई बैंकको क्रूरता उदांगो पारिदिएको छ ।
बैंकको शाखा प्रबन्धक समेत बनिसकेका खड्कालाई केही समय अघि बैंकले स्पष्टिकरण सोधेको बुझिएको छ । तर स्पष्टिकरण के विषयमा थियो भन्ने कुरा खुलेको छैन ।
मृतक पिताम्बर खड्का
आफूलाई हटाउनकै लागि स्पष्टीकरण सोधिएको र राजीनामा दिन लगाई स्वीकृत गरिएका कारण आफूले आत्महत्या गर्न बाध्य पारेको खड्काले सामाजिक सञ्जालमा लखेको सन्देशले पनि स्पष्ट पार्छ ।
अर्बौं कर्जा दुरुपयोग गरेको भन्दै अख्तियारको फन्दामा परिसक्दा पनि पावर र पहुँचको आडमा घटना समेत सामसुम पार्न सफल भएको यस बैंकले बैंकमा कार्यरत एक सामान्य कर्मचारीमाथि आत्महत्या गर्न बाध्य पार्नेसम्मको हर्कत गरेपछि जनस्तरमै बदनाम बन्दैछ ।
आफूलाई मर्न बाध्य पार्ने बैंकका उच्च पदस्थहरुकै नाम र तस्बिर नै सार्वजनिक गरेर कर्मचारीले आत्महत्या गरेपछि बैंकभित्र समेत भित्रभित्र हंगामा मच्चिएको सूचना छ ।
तर बैंकका गुनासो सुन्ने अधिकारी अनिल जोशीले यो घटनाबारे अनभिज्ञता व्यक्त गरेर उनले यसबारेमा आफूलाई खासै अपडेट नभएको समेत भन्न भ्याए ।
बैंकका डिसिईओ सुमन पोखरेलको फोन उठ्दैन भने अन्य बैंकका अधिकारी समेत सम्पर्क बाहिर छन् । कर्मचारीलाई मर्न बाध्य पार्ने यस घटनाले बैंकिङ क्षेत्र कर्मचारीहरुमा समेत त्रासदी बढेको छ ।
आफ्नो स्वार्थको रोटी सेकाउन कर्मचारीहरुलाई दुरुपयोग गर्ने तर रहस्य खुल्ने भएपछि कर्मचारीहरुलाई नै मर्न बाध्य बनाउने घटनाले मानव अधिकारको समेत गम्भीर उल्लंघन गरेको देखिन्छ ।
केही समयदेखि निरन्तर बैंकको टर्चर दिइरहेको बैंकले अन्ततः जागिर नै खाइदिएपछि कर्मचारी खड्काले सोमबार बेलुकी आफ्नै घरको भुइँतल्लामा प्लास्टिकको डोरीले पासो लगाएर आत्महत्या गरेका परिवारले बताएको छ ।
पोष्टमार्टम रिपोर्टले पनि उनले आत्महत्या गरेको पुष्टि गरिसकेको छ । ग्लोबल आईमए बैंकका अध्यक्ष चर्चित उद्योगी चन्द्र ढकाल हुन् । आदर्शका कुरा गरेर नथाक्ने ढकालले आफ्नै बैंकका जिम्मेवार कर्मचारीका कारण कर्मचारीले आत्महत्या गर्नुपरेको घटनामाथि के कति एक्सनमा उत्रिन्छन् त्यो भने हेर्न बाँकी छ ।
