अपरेशनका क्रममा २६ जनालाई नियन्त्रणमा लिई थप अनुसन्धान कार्य भइरहेको प्रहरीले जनाएको छ। प्रहरीका अनुसार नियन्त्रणमा लिइएकामाथि आवश्यक अनुसन्धान तथा सोधपुछ प्रक्रिया अघि बढाइएको छ।जिल्ला प्रहरी परिसर भक्तपुर ले सञ्चालन गरेको विशेष “स्वीप अपरेशन” अन्तर्गत २६ जनालाई नियन्त्रणमा लिएको छ।
प्रहरी परिसरद्वारा जारी प्रेस विज्ञप्तिअनुसार शुक्रबार साँझ करिब ६ बजे लिवाली पुल हाउस क्षेत्रमा प्रहरी टोलीले विशेष सुरक्षा अपरेशन सञ्चालन गरेको हो। प्रहरीका अनुसार उक्त क्षेत्रमा शंकास्पद गतिविधि बढ्दै गएको सूचनाका आधारमा अपरेशन सञ्चालन गरिएको थियो।
अपरेशनका क्रममा विभिन्न स्थानमा खानतलासी, व्यक्तिको पहिचान जाँच तथा निगरानी गरिएको प्रहरीले जनाएको छ।
सो क्रममा २६ जनालाई नियन्त्रणमा लिइएको र उनीहरूमाथि आवश्यक अनुसन्धान तथा सोधपुछ प्रक्रिया अघि बढाइएको जिल्ला प्रहरी परिसर भक्तपुरले जानकारी दिएको छ। पक्राउ परेकामध्ये केही व्यक्तिको गतिविधि शंकास्पद देखिएकाले थप अनुसन्धान भइरहेको प्रहरीको भनाइ छ।
प्रहरीले पछिल्लो समय आपराधिक गतिविधि नियन्त्रण, लागुऔषध कारोबार तथा सार्वजनिक सुरक्षालाई ध्यानमा राख्दै जिल्लाका विभिन्न क्षेत्रमा नियमित रूपमा स्वीप अपरेशन सञ्चालन गर्दै आएको जनाएको छ। साथै, शान्ति–सुरक्षा कायम राख्न यस्ता अभियानलाई निरन्तरता दिइने प्रहरीको भनाइ छ।
