काठमाण्डौं । भिजिट भिषा प्रकरणमा संलग्न रहेको भन्दै गृहमन्त्री रमेश लेखकको राजीनामा माग सहित हिजो काठमाडौंमा प्रदर्शन भएको छ ।
प्रमुख प्रतिपक्षी दल माओवादी केन्द्र तथा एकीकृत समाजवादी लगायत दल निकट युवा र विद्यार्थी संगठनले मंगलबार माइतीघर मण्डलामा प्रदर्शन गरेका हुन् ।
प्रदर्शनमा योङ कम्युनिस्ट लिग नेपाल (वाईसीएल) अखिल (क्रान्तिकारी), अखिल (समाजवादी), अनेरास्ववियू, युवा संघ नेपाल र युवा संगठन नेपालको सहभागिता थियो ।
भिजिट भिसामा सेटिङ मिलाएर मानव बेचबिखन र देशद्रोह भएको भन्दै विरुद्ध विरोध प्रदर्शन गरेका थिए । आज प्रतिनिधिसभा अबरुद्ध भयो भने प्रतिपक्षी दल राष्ट्रिय स्वतन्त्र पार्टीले उच्चस्तरीय न्यायिक छानबिनको माग गरेको छ
गृह मन्त्रालयले बनाएको मापदण्डको आडमा अध्यागमनका कर्मचारीले अनावश्यक दुःख दिएर भिजिट भिसामा जाने नेपालीबाट लाखौं असुल्ने खेल संस्थागत रूपमा चल्दै आएको पाइएपछि अहिले गृहमन्त्री लगायतलाई कारबाहीको दायरामा ल्याउनुपर्ने माग उठिरहेको छ ।
गृहले नेपालीलाई युरोप, एसिया र अफ्रिकाका विभिन्न मुलुकमा भिजिट भिसामा जान कठोर मापदण्ड जारी गरेपछि केही वर्षदेखि नै विकल्पका रूपमा मानव तस्करसँग सेटिङ मिलाएर तस्करी गर्ने गरेको देखिएको छ ।
