आकाश मगर, उदयपुर। राष्ट्रिय स्वतन्त्र पार्टी उदयपुर जिल्ला समितिले नारीहरुकाे महान चाड हरीतालिका तिजकाे अवसरमा जडिबुटी लगाएत फलफूलका विरुवा वितरण गरेर चियापान सहित शुभकामना आदानप्रदान गरेको छ । पार्टीका काेशी प्रदेश विभाग सदस्य उदयपुरका अग्रज नेता उपेन्द्र विष्टको विशेष उपस्थितिमा कार्यक्रम भएको हो ।
पार्टीका जिल्ला सभापति चित्रकुमार कार्कीले भने चाड अत्यन्तै भड्किलो भैरहेको अवस्थामा पार्टीले सामान्य भेटघाट शुभकामना सहित संदेश दिने हिसाबले कार्यक्रम गरिएको बताउनु भएको छ ।
पार्टीका प्रदेश सदस्य अनिता निराैला , जिल्ला सचिव सुर्य लामा ,सहसचिव तथा संगठन प्रमुख सुर्यकुमार राई, काेषाध्यक्ष ,काैशीला कार्की जिल्ला सदस्य तेजमा विक,किरण राउत,शसिला थापा ,जिल्ला RAT प्रमुख टिकाराम गिरि,सचिव गुणराज निराैला, पुर्व संघीय उम्मेदवार उद्वब अधिकारी ,पालिका सभापति ,पालिका विभाग ,वडा सभापति,उपसभापति ,सचिव र सदस्यहरूको उपस्थितिमा कार्यक्रम भएको थियोे ।
कार्यक्रममा बाेल्दै सदस्यहरूले कार्यक्रम अहिलेसम्मकै उत्कृष्ट सन्देश मुलक भएकोमा खुशी व्यक्त गरेका थियो ।
कार्यक्रममा बाेल्दै सभापति कार्कीले भने समाजले खाेजि रहेको र समाजले अपेक्षा गरेको काम सधैंभरि रास्वपाले गर्नुपर्ने जाेड दिए सभापति रवि लामिछाने अहिले अस्वस्थ रहेको त्यसकारण तडभडक रहित सभापतिको स्वास्थ्य लाभको कामना सहित सांकेतिक कार्यक्रम मात्रै गरेर मनाएको बताउनु भएको थियो ।
सभापति कार्कीले अर्को वर्षको तिजमा विरुवा कस्तो भयो प्रगति विवरण पेस गर्न सबै सदस्यलाई अनुरोध गर्नु भएको छ । शुक्रबार जिल्ला पार्टी कार्यालयको सभाहलमा आयाेजित कार्यक्रममा उल्लेखनीय उपस्थिति रहेको थियाे ।
