काठमाडौं । रुकुम पूर्वको सिस्ने गाउँपालिकामा कार्यरत कार्यालय सहायक कोइली साहिको आत्महत्या प्रकरणमा एक जना स्थानीय पत्रकार मुछिएका छन्। जिल्ला प्रहरी कार्यालय, रुकुम पूर्वका अनुसार मृतक साहिको परिवारले पत्रकारविरुद्ध आत्महत्या दुरुत्साहनको आरोप लगाउँदै शनिबार साँझ किटानी जाहेरी दिएका हुन्।
जाहेरी दर्ता भएपछि प्रहरीले पत्रकारलाई खोजी गरिरहेको जनाएको छ। उनी रुकुम पश्चिम प्रेस चौतारीका अध्यक्ष समेत रहेका बताइएको छ। हालसम्म उनी प्रहरी सम्पर्कमा नरहेको जिल्ला प्रहरी कार्यालय, रुकुम पूर्वका प्रहरी निरीक्षकले जनाएका छन्।
स्थानीय स्रोतका अनुसार मृतक साहि र पत्रकारबीच केही समयदेखि व्यक्तिगत विवाद रहेको भनिएको छ। मृतकका आफन्तले सोही विषयलाई आत्महत्याको कारण भएको दाबी गरेका छन्। यद्यपि प्रहरीले यसबारे थप अनुसन्धान भइरहेको जनाएको छ।
। आफन्तजन र प्रहरीबीच घटनाको कारणबारे विस्तृत छानबिनका लागि छलफल भइरहेको छ।
यस प्रकरणले स्थानीय पत्रकारिता क्षेत्रलाई समेत चासोमा पारेको छ। प्रेस चौतारी रुकुम पश्चिमले हालसम्म यसबारे कुनै आधिकारिक धारणा सार्वजनिक गरेको छैन।
