बिनोद मण्डल
सिराहा । नेपालमा मौलिक हक कानूनमा व्यवस्था गरिएको छ, जसलाई दुरुपयोग गरिएको घटना नसुनिएको होइन । नेपालीको सहने बानी र राजनेताको काचुली फेर्ने बानीले देश द्वन्दमा जानु स्वभाविक हो ।
वर्गीय ,जातिय , क्षत्रिय मुद्दा उठाएर जातिय द्वन्द देशमा भड्काएर विगतमा अाम मानिस सडकमा आएर अनेकन प्रकारका आन्दोलन गरेर थोरै भएपनि अधिकार प्राप्तिको लामो लडाइँमा सफलता मिलेकै भन्नु पर्छ । भनिन्छ देशमा शान्ति भएन भने विकास रोकिन्छ ।
देशको करिब ५०प्रतिशत जनसंख्या ओगटेको मधेशमा बस्ने मधेश मुलक नेपालीले विगतमा शाषक वर्गबाट पीडित र शोषित भएको इतिहास ताजा रहेको छ । आफ्नो हक अधिकारको लागि बोल्ने मधेशीलाई विभिन्न आरोप लाग्ने गरेको तीतो यथार्थ हामीसँग छ ।
आफ्नो ड्युटीमा खटिएको मधेश मुलका मणिकान्त झालाई कथित सामाजिक अभियन्ता ज्वाला संग्रौलाले प्रहरी चौकिभित्र प्रहरी कै अगाडि ” मधेशी ” मधेश जा , खेती किसानी गर ,भन्दै ज्वाला संग्रौलाले बोलिरहँदा अरु मौन बसेर उनले बोलेका शब्द सुनिरहनु र झाको सरुवा हुनु , रंगभेदी नियतले बोल्नु , न्याय पाउनुको सट्टा सरुवा गरेर घटनालाई ढाकछोप गरी पीडितले न्याय नपाउनु अनि गृह प्रशासनलाई आफ्नो कब्जामा लिए जस्तो बोल्नु कहाँसम्म जायज मानिन्छ ।
न्याय र स्वतन्त्रता दिन नसक्ने देशलाई कथित अराजक तत्वको बहावमा बग्न दिने अनि मधेश मुलका जनतालाई दोश्रो नजरले हेर्नु कानुनको धज्जी उडाउने चाहना हो ।
