सपना रिजाल -खाेटाङ । आर्थिक बर्षको अन्तिममा पानी झरी संगै ठुलो मेसिन लगाएर सडक बनाउने नाममा बजेट खन्याउने,जमिन थिङथिलो बनाएर दिर्घकालिन पहिरोको जोखिम संगै विनाश तिर विकाश अघि बढेको हलेसी तुवाचुङ नगरपालिकाकी उपमेयर बिमला राईले बताइन् ।
सडकको छोटो–छोटो घुम्तीले पहाडका भीरपाखा छिया–छिया बनेको किरिङमिरिङ दृश्या जताततै देख्न सकिन्छ । अधिकांश सडक निर्माणमा न वातावरणमैत्री विधि अपनाइन्छ न त प्राविधिक डिजाईन अनुसार नै काम गरिन्छ । राज्यको लगानी वालुवामा पानी भएको विज्ञहरुको भनाइ रहेको छ ।
ठूला मेसिन प्रयोग गरेर जथाभावी सडक खन्दा वर्षेनी ढुंगा माटो बगेर जाँदा प्राकृतिक विपत्ती निम्तिरहेको उपमेयर राईले बुधबार सामाजिक सञ्जालमा लेखेकि छिन्।
उपमेयर राईले सिन्धुपाल्चोक लगायतका ठाउँमा गएको बाढी पहिरोको सन्दर्भ उल्लेख गर्दै कतिपय अवस्थामा विकासको नाममा मानवबाट बिनास निम्त्याउने क्रियाकलाप भइरहेको उल्लेख गरेकि छिन्।
उपमेयर राईका अनुसार अहिले त स्थानीय सरकार, प्रदेश सरकार, संघीय सरकार हुँदाहुँदै संसदीय कोषबाट पनि यही बाटोमा पैसा ओइराउने चलन बसेको छ ।
सजिलो छ बाटो खन्न । भरपर्दो प्राबिधिक डिजाइन हुन्न, वातावरण मैत्री सडक हुन्न अनि कहिले सुख्खा पहिरो, कहिले हिले पहिरो जान्छ, अनि गनगन शुरु हुन्छ । फेरी त्यही बाटोमा योजना पर्छ एवं रितले बिकास हुने गरेको छ ।’
उपमेयर राईले ‘हरियो वन नेपालको धन’को नारा बोकेको नेपालको वन मन्त्रालयदेखि इलाका वन कार्यालय, सामुदायीक वन उपभोक्ता महासंघ, भू–संरक्षण कार्यालयको भूमीका माथि प्रश्न गरेका छन् । ‘ईलाका वन कार्यलय रे, उनले के गर्छ बझ्नै गार्हाे छ । सामुदायिक बन महासंघले उपभोक्ता हितको कुरा गजवको उठाउने गर्छ तर फिल्डमा काम गरेको देखिन्न । देशफाेष्ट बाट साभार गरिएकाे,,
