भक्तपुर । यस वर्षको पुनरुत्थान (इस्टर) महोत्सव २०८२ काठमाडौं उपत्यका लगायत देशैभर रहेका इसाई धर्मालम्बीहरूले विभिन्न कार्यक्रमहरूको आयोजना गरी भव्यताका साथ मनाएका छन् ।
उपत्यकाका विभिन्न चर्चद्वारा आयाेजित ” उपत्यकाव्यापी पुनरुत्थान महाेत्सव” नाम दिएर भक्तपुरको चारदोबाटोस्थि किङ्ग बैंकेटको खुल्ला ठाउँमा सम्पन्न भएकाे छ।
उक्त उपत्यकाव्यापी पुनरुत्थान महोत्सवमा काठमाडौं उपत्यकाका तीनै जिल्ला भक्तपुर, काठमाडौं र ललितपुरमा रहेका सयौं चर्चहरूबाट हजारौं ख्रीष्टियनहरूको सहभागितामा पुनरुत्थान महोत्सव मनाइएको हो ।
बिहानै आ–आफ्नो चर्चमा प्रभातकालिन पुनरुत्थान सेवा सकेर राजधानीका विभिन्न चोकचोकबाट शान्ति पदयात्रामा सहभागी हुँदै बिहान ९ बजे कार्यक्रम स्थलमा पुगी पुनरुत्थान महोत्सवमा सहभागी भएका थिए ।
पा. रविनकाजी बैद्यले सञ्चालन गरेकाे उक्त महोत्सव समारोहको कार्यक्रममा कार्यक्रम संयोजक पास्टर डिल्लीराम पौडेलले स्वागतको मन्तव्य राखेका थिए भने, नेपाली इसाई मण्डली कालाेपुलका अगसवाहरुकाे अगुवाइमा सङ्गीत तथा आराधना झुण्डले आराधना सेवाका साथ साथै साङ्गीतिक माहोल बनाएका थिए ।
औपचारिक आराधना सेवाको कार्यक्रम पछिकाे दाेश्राे सेसनकाे सांस्कृतिक कार्यक्रम भने सञ्चारकर्मी कुमार सुनाम अब्राहामले गरिरहँदा विभिन्न चर्चका युवाहरू तथा विभिन्न कलाकारहरुले आ–आफ्नो प्रस्तुति द्वारा कार्यक्रमलाई मनाेरञ्जनातमक बनाएका थिए ।
देशका निम्ति प्रार्थना गरिरहने ख्रीष्टियन धार्मिक समुदायले याे पटक भक्तपुरमा साे कार्यक्रम आयाेजना गरेका हुन् , किनभने याे शहरमा विभिन्न बाहानाका बावजुद काठमाडौंमा विभिन्न समुहद्वारा अन्य कार्यक्रमहरु पनि आयाेजना गरिएकाे काे थियाे यसर्थ फरक ठाउँ तयगर्न याे समुदाय बाध्य भएका हुन्।
