खोटाङ । दस स्थानिय तह रहेकाे खाेटाङकाे दिक्तेल रुपाकोट मझुवागढी नगरपालिकाले नगरपालिकाको नाम परिवर्तन गर्न प्रस्ताव गरेको छ । राजनीतिक दल, संघसंस्था, नागरिक समाज र नगरवासीसँग छलफल गरेर उनीहरूको सुझावका आधारमा नाम परिवर्तन गर्ने तयारी गरिएको हो । नगर कार्यपालिका बैठकमा नगरप्रमुख तीर्थराज भट्टराईले नगरपालिकाको नाम परिवर्तनसम्बन्धी प्रस्ताव प्रस्तुत गरेका हुन् ।
जिल्लाको सबैभन्दा ठूलो स्थानीय तह (१५ वडा रहेको) यो नगरपालिकाको नाम यसअघि दुई पटक परिवर्तन गरिएको थियो । सुरुमा दिक्तेल नगरपालिकाको नामले स्थापना भएको यो पालिका देशमा संघीयता लागू भएसँगै स्थानीय तहको नामकरण गर्ने क्रममा रुपाकोट मझुवागढी नगरपालिका बनाइएको थियो ।
विभिन्न शिर्षककाे बिषयहरुबाट नगरलाई चर्चामा राख्न काेशिष गरिरहेका नगरप्रमुख भट्टराईले अन्तरास्ट्रिय चित्रकाल महाेत्सव,बाँस सम्मेलन जस्ता कार्यक्रमहरु गरेका थिए भने याे पटक नगरपालिकाकाे नामा छाेट्याउने बहस सुरु गरेका छन्।
