युवराज रेग्मी, गौरादह । झापाको कमल गाउँपालिका कमलनगर जेसीजद्धारा होली पर्वको अवसरमा अशोक दर्जिको घर रङ्गाउने कार्यक्रम सम्पन गरेको छ । रंगहरुको पर्व होलि अर्थात फागु पुर्णिमाको अबसरमा सामाजिक सद्भाव विशेष परिवारको घर रङ्गाउने यात्रा कार्यक्रम सम्पन्न गरेको कमलनगर जेसीजले जनाएको छ ।
जेसीजले आफ्नो बार्षिक कार्यक्रम बमोजिम सस्थागत सामाजिक उत्तर दायित्व ( सिएसआर ) अन्तगत कमल गाउँपालिका वडा न ६ रत्नपुर चौकमा रहेको अशोक दर्जीको घरमा शुक्रबार रङ्ग लगाएर होली पर्व मनाएको हो।
कमल गाउँपालिकाका अध्यक्ष हुकुमसिंह राईको प्रमुख आतिथ्यता तथा कमलनगर जेसीज वर्ष २०२५ का अध्यक्ष जेसी भिम अधिकारीको अध्यक्षतामा कार्यक्रम सम्पन्न गरिएको कार्यक्रम संयोजक कमलनगर जेसीज वर्ष २०२५ का उपाध्यक्ष जेसी मिलन पौडेलले जानकारी दिए। कार्यक्रमको प्रायोजक रोज् पेन्टस कमल ३ केर्खाले गरेको थियो ।
घर रङ्गाउने कार्यक्रम पश्चात् कार्यक्रममा सहभागीहरुले एक आपसमा रंग लगाएर शुभकामना आदानप्रदान गरेका थिए । उक्त कार्यक्रममा समाजसेवी सन्तोष भण्डारी, कमलनगर जेसीजका आजीवन सदस्यहरु जेसी राजन ढुंगाना, जेसी उमानाथ भण्डारी, जेसी प्रेम सापकोटा, कमलनगर जेसीज वर्ष २०१९ का अध्यक्ष जेसी हेम दहाल, वर्ष २०२२ का अध्यक्ष जेसी नारायण बस्नेत, वर्ष २०२३ का अध्यक्ष रिजु कार्की, २०२५ का पदाधिकारीहरु, सदस्यहरु, स्थानीय बासिन्दाहरुको उपस्थिति रहेको थियो ।
फरक क्षमता भएका अशोक दर्जीको परिवारलाई स्थायी बसोवासको लागि विभिन्न देश बिदेशमा रहेका सहयोगीमन हरुको आर्थिक सहयोगमा सोहि वडाका सामाजिक अभियन्ता सन्तोष भण्डारीको पहलमा कमलनगर जेसीजले उक्तघर निर्माण सम्पन्न गरि अशोकलाई हस्तान्तरण गरेको थियो । साथै होलिको अबसरमा सोही घर रङ्गरोगन गरि कमलनगर जेसीजले २०८१ को होली पर्व मनाएको हो ।
