आकाश मगर, उदयपुर। उदयपुरको त्रियुगा नगरपालिका १२ डिएमगेटमा बिहिबार साझ बाेलेराेकाे ठक्करबाट एकै घरका दिदि बहिनिको घटनास्थलमै मृत्यु भएको छ ।
त्रिनपा ११ डिएमगेटबाट बसपार्क जाने भित्रि सडककाे गाईघाट स्थित हिमशिखर फर्निचरको गाडि प्र.नं. १ ०५ ००१ च ००९१ नम्बरको बोलेरो गाडिले बाटो घुम्ति काट्ने क्रममा अनियन्त्रित हुदा घरको पेटीमा बसी रहेका सप्तरी जिल्ला राजविराज घरभै त्रिनपा ३ मा राजेन्द्र मैनालीको घरमा भाडागरी बस्दै आएका ललन दासको १२ बर्षिय देवीकुमारी दास र १४ बर्षिय अनुकुमारी दासलाई ठक्कर दिदा घटनास्लमै मुत्यु भएको हो ।
दुर्घटना पछि १४ बर्षिय अनुकुमारी दासलाई उपचारको लागि जिल्ला अस्पताल उदयपुरमा पुर्याईएकाे थियाे तर, पुर्याउना साथ मुत्यु भएको अस्पतालले घोषणा गरेको थियो । सवारी चालक त्रियुगा नगरपालिका ९ गैरुन बस्ने बर्ष १८ का निर्जल कटुवाललाई प्रहरीले नियन्त्रणमा लिएको छ ।
