काठमाडौं । पत्रकार एच.बी. ताम्राकार कुंगचिडो मार्शल आर्ट्स र यसको सिद्धान्तलाई समर्थन गर्ने उल्लेखनीय योगदानका लागि सम्मानित भएका छन्। उनलाई कुंगचिडो मार्शल आर्ट्सका संस्थापक तथा ग्रान्डमास्टर डा. सरोज के. जोशी र Trainer/Examiner डा. मेथ्यु जे. लेभीन द्वारा प्रशंसा पत्र प्रदान गरिएको हो।
२९ जनवरी २०२५ मा प्रदान गरिएको उक्त प्रशंसा पत्रले एच.बी. ताम्राकारको समर्पण, मेहनत र खेलकुदप्रतिको योगदानको कदर गरेको छ। मार्शल आर्ट्सको प्रवर्द्धनमा उनको समर्थनलाई विशेष मान्यता दिँदै, कुंगचिडो नेतृत्वले उनलाई सम्मान गरेको हो।
यो विशेष अवसरमा, एच.बी. ताम्राकारका साथै कुंगचिडो मार्शल आर्ट्सलाई समर्थन गर्ने तथा योगदान पुर्याउने अन्य धेरै प्रतिष्ठित व्यक्तित्वहरू पनि सम्मानित भए। जसमा कलाकारहरू, निर्देशकहरू, ब्ल्याक बेल्ट धारीहरू, अन्तर्राष्ट्रिय मास्टर्स, ग्रान्डमास्टर्स, सञ्चारकर्मी, पत्रकार तथा मिडियाका व्यक्तिहरू समेत समावेश छन्।
कुंगचिडो मार्शल आर्ट्स एक विशेष युद्धकला प्रणाली हो, जसलाई डा. सरोज के. जोशी ले स्थापना गरेका हुन्। यो विधालाई विश्वभर प्रवर्द्धन गर्नका लागि प्रशिक्षक डा. मेथ्यु जे. लेभीन ले पनि महत्वपूर्ण भूमिका खेल्दै आएका छन्।
यस सम्मानले एच.बी. ताम्राकारको व्यक्तित्व र समाजसेवाको भावनालाई थप उचाइ दिएको छ। खेलकुद मात्र नभई समाजमा योगदान पुर्याउने हरेक क्षेत्रका व्यक्तित्वलाई उचित कदर गरिनु आवश्यक रहेको कुरालाई यो घटनाले पुष्टि गरेको छ।
खेलकुद, पत्रकारिता र समाजसेवाका लागि समर्पित व्यक्तित्वहरूप्रति यस्ता सम्मान निरन्तर हुनुपर्छ।
