काठमाडौं । ताप्लेजुङको प्रसिद्ध तीर्थस्थल पाथीभरामा केबलकार बन्नु हुँदैन भनेर सामाजिक सञ्जाल र पुर्वका केही शहरमा विवाद बढिरहेका बेला ताप्लेजुङबासी जनताहरु भने केबलकारको पक्षमा सडकमा निस्किएका छन् ।
आज मंगलबार केबलकार बन्नु पर्छ भन्ने मागराखेर ताप्लेजुङ जिल्लाकाे सदरमुकाम फुङ्लिङ बजारमा जिल्लावासीले ठुलाे हुलमा नागरिकहरुले सद्भाव र्याली निकालेका छन्।
सद्भाव र्यालीमा उपस्थित नागरिककाे भिडले यसाे भनेर नारा लगाए ।ताप्लेजुङ के भन्छ र? केबलकार ल्याउ भन्छर। स्थानीय के भन्छन् ? केबलकार ल्याउ भन्छ ।
तीर्थयात्रीको सहज यात्रा, पर्यटन प्रवर्द्धन र जिल्लाको समृद्धिका लागि केबलकार अपरिहार्य रहेकोले केबलकार बन्नु पर्छ भन्ने उपस्थित नागरिकहरुकाे माग रहेकाे छ।
‘बृहत् नागरिक सद्भाव र्याली’ लेखिएको ब्यानरसहित नौमती बाजा, च्याब्रुङ नाच र विभिन्न जातजातिका सांस्कृतिक झाँकीले र्यालीलाई झन् आकर्षक बनाएकाे साे र्याली ताप्लेजुङ विकास प्रेमी नागरिक समाजको आयोजनामा बिहान ११ बजे सुरु भएको थियाे भने र्यालीले सदरमुकामका विभिन्न भागको परिक्रमा गर्यो।
स्थानीयहरूका अनुसार केबलकार बनेपछि पाथीभरा पुग्न सजिलो हुने, पर्यटक संख्या बढ्ने र जिल्लाको आर्थिक विकासमा टेवा पुग्नेछ। नागरिकहरूको एकतासहितको मागले सरकारको ध्यानाकर्षण गर्ने अपेक्षा गरिएको छ।
