काठमाडौँ । प्रतिनिधिसभाको आजको बैठकमा सांसदहरुले खोटाङकाे हलेसी तुवाचुङ नगरपालिका–७ मा भएको आगलागी एवं समसामयिक विषयमा सरकारको ध्यानाकर्षण गराएका छन् ।
नेपाली काँग्रेसकाे तर्फबाट समनुपातिक सांसद सरस्वती बजिमयले आइतबार साँझ भएको खोटाङको आगलागीमा पूजा सामग्री पसल र दोस्रो तल्लामा रहेको एक लघुवित्तको कार्यालयलगायतमा हुँदा ७ कराेड बढी क्षेति पुगेकाले पीडितलाई यथाशीघ्र राहत दिन माग गरिन् संसदमा माग राखिएकाे छ।
आगलागीबाट हुनसक्ने ठूलो क्षतिबाट बचाउन सुरक्षाकर्मी, जनप्रतिनिधि र स्थानीयले योगदान गरेको पनि उनले सुनाइन् । सुरक्षाकर्मी, जनप्रतिनिधि र स्थानीयवासीले ग्यास सिलिन्डर बाहिर फालेका कारण आगो धेरैतिर फैलन नपाएको सांसद बजिमयले बताइन् ।
यस्तै, खाेटाङमा गठबन्धनका साझा उमेदवार बाट निर्वाचित सांसद रामकुमार राईले खोटाङको आगलागीमा भएकाे सात करोडको क्षतिमा, दुई घर जलेर नष्ट भएको सुनाए । नेपाल प्रहरी, सशस्त्र प्रहरी, नेपाली सेना, स्थानीय तहका जनप्रतिनिधिले मिलेर आगलागी नियन्त्रण गरेको उनले जानकारी दिए । तत्काल आगलागी पीडितलाई क्षतिपूर्ति र राहतको व्यवस्था गर्न उनले माग गरे भने दसई नगर पालिका र आठ पालिका सहित दस स्थानिय तह रहेकाे खाेटाङलाई दमकल आवस्यकका बारेमा भने दुबै सांसदहरुले बाेलेनन्।
