काठमाडौं । धरानमा नो केवलकार पक्षधरले केवलकारको निर्माणकाे समर्थन गर्दै सामाजिक सन्जालमा बोल्ने पदम चेन्जि माबोलाई पत्रकार सम्मेलनमा नै आइतबार कालोमोसो दलेका छन्।
ताप्लेजुङ घर भएका पदम चेन्जि माबोलाई आइतबार मुकुम्लुङ संरक्षण संयुक्त संघर्ष समिति सुनसरीका कार्यकर्ताहरूले धरान–९ स्थित पुतली लाइनमा कालोमोसो दलेका हुन्।
माबोले केबुलकारको पक्षमा सार्वजनिक रूपमा समर्थन गरेको र केबुलकारको बिरो गर्नेहरूलाई गाली गलौज गरेको भन्दै कालोमोसो दलेर सचेत गराइएको नो केवलकारका पक्षधरले बताए ।
नागरिक उन्मुक्ति पार्टीका केन्द्रीय नेता समेत रहेका एक नेताकाे अनुसार केबलकार निर्माणकार्यकाे बिराेधमा आन्दोलन निरन्तर गर्दै आएका बेला यसरी आन्दाेलनको विपक्षमा बोल्नेलाई चेतावानी दिएको र जो कोहीलाई नछाड्ने बताएका छन् ।
पदम चेन्जि मावो याक्थुङ चुम्लुङका नवनिर्वाचित उपाध्यक्षको रुपमा पत्रकार सम्मेलनमा उपस्थित थिए । उनी मुक्कुमलुङमा केवलकार बन्नुपर्छ भन्ने पक्षको भएको र सामाजिक संजालमा नो केवलकार पक्षलाई आलोचना गर्ने गरेको आरोप आन्दोलनरत पक्षको छ ।
नो केवलकार समुहका युवा नेता शिवहाङ राईका अनुसार पत्रकार सम्मेलन गर्ने सस्थासङ्ग आफुहरुको सरोकार नभएको तर मावोको उपस्थिती भएकोले उनलाई खबरदारी गर्न पुगेको बताए ।
पत्रकार सम्मेलन सकेपछि उनलाई आक्रोशित भिडले कालोमोसो दलेको पनि राईले बताए । विगतको आफ्नो अभिव्यक्ति प्रति मावोले माफी मागेको उनले दावी पनि गरे ।
समान्य विवाद भएपछि पत्रकार सम्मेलन सकिए लगत्तै नो केवलकार पक्षले मोसो दलेको उक्त घटनाको भिडियो सामाजिक सन्जालमा भाइरल भएको छ तर, भिडियाे प्रमाण रहँदा समेत केही online हरुले कुटपिट समेत गरेकाे भनेर भ्रामित पारेकाे उनकाे गुनासाे राईले ब्यक्त गरे।
मावोलाई केही व्यक्तिहरुले मोसो दलेको र आक्रोश व्यक्त गर्दै हातपात गर्न खोजेको देखिन्छ भने आन्दोलनका अगुवा अमर इजमले हातपात हुनबाट राेकाे भिडियाेमा प्रस्टै देखिन्छ ।
पाथीभरा मन्दिर क्षेत्रमा उद्योग वाणिज्य महासंघका अध्यक्ष चन्द्र ढकालले केबलकार निर्माणको काम थालेपछि संघर्ष समितिले आन्दोलन सुरु गरेको छ।
कालोमोसो दलाईमा परेका माबोले आफूलाई दुव्र्यवहार गर्नेलाई कडा कारबाही गर्न माग गर्दै जिल्ला प्रहरी कार्यालय सुनसरीमा उजुरी दिएका छन् ।
साे बिषयमा जिल्ला प्रहरी कार्यालय सुनसरीका एसपी सुमन कुमार तिम्सिनाको अनुसार कालोमोसो दल्नेहरुलाई पक्राउ गर्ने तयारी रहेको बताए ।
भिडियो हेर्न याे link मा थिच्नुहाेस👇️👇️ https://www.facebook.com/share/v/19wdmiR6sq/
