काठमाडौं । श्रमजीवी पत्रकार संघ नेपालका अध्यक्ष जन्मदेव जैसी सामाजिक अवार्डबाट सम्मानित हुनुभएकाे छ। सिजन मिडियाद्वारा आयोजित ‘नेसनल सोसल वेलफेयर अवार्ड २०२४’ कार्यक्रममा उपसभामुख इन्द्रिरा रानामगरले जैसीलाई अवार्ड प्रदान गर्नु भएकाे हाे ।
श्रमजीवी पत्रकारका अभिभावक जैसीलाई श्रमजीवी पत्रकारहरूको हकहितका पक्षमा दशकौँदेखि समर्पित भएकोमा सम्मान स्वरूप राष्ट्रिय अवार्डका लागि चयन गरिएको हो । सिजन मिडियाले अवार्ड प्रदान गर्दै भनेको छ, ‘अवार्ड प्रदान उहाँको समाजप्रतिको गहिरो समर्पण, सकारात्मक परिवर्तनका लागि गरिएको अथक प्रयास र निरन्तर सेवाभावको उच्च मूल्याङ्कन हो ।’
समाजमा गरेका अविस्मरणीय योगदानको कदरस्वरुप यो अवार्ड प्रदान गर्ने गरिन्छ । सिजन मिडियाले जैसीको कार्यकाललाई प्रेरणादायक र समाजका लागि महत्त्वपूर्ण बनाएको र यसको मूल्याङ्कन आवश्यक रहेको बताएको छ ।
‘जैसीले आफ्नो करियरको अधिकांश समय समाजका पिछडिएका र आवश्यकता परेका वर्गका लागि काम गर्न समर्पित गर्नुभएको छ । उहाँले श्रमजीवी पत्रकारका रूपमा समाजको हक र अधिकारका लागि आवाज उठाउनुभएको छ,’ सिजन मिडियाले भनेको छ ।
सिजन मिडियाले यस अवसरमा जैसीलाई आगामी दिनहरूमा अझै सफलता, सुस्वास्थ्य र रचनात्मक जीवनको शुभकामना दिएको छ । कार्यक्रमको उद्देश्य समाजका उत्कृष्ट व्यक्तित्वलाई सम्मानित गर्नु मात्र नभई समाजका लागि सकारात्मक योगदान दिन प्रेरणा प्रदान गर्नु पनि भएको सिजन मिडियाले उल्लेख गरेको छ ।
