By Dikendra
झापा । झापा दमकका पत्रकार अनिलदेव राई पुरस्कृत भएका छन् । दमक उद्योग बाणिज्य संघले आज आफ्नो ३३ औ बार्षिक साधारणसभाका अवसरमा राईलाई नगद, सम्मान पत्र सहित पुरस्कृत भएका हुन् । उनलाई दमक नगरपालिकाकि उपप्रमुख रेगिना भट्टराइ प्रसाईं, संघका अध्यक्ष गोपाल गुरागाईले पुरस्कार प्रदान गरेका थिए।
झापा, शिवसतासि निवासी पत्रकार राई लामो समयदेखि दमकमा बसेर पत्रकारितामा कृयासिल छन् । संघले बार्षिक साधारणसभाका अवसरमा एक जना पत्रकारलाई दमकको उध्योग, बाणिज्य लगायतका बिसयमा कलम चलाए बापत पुरस्कार प्रदान गरिआएको छ । पुरस्कारको राशी ११ हजार १ सय ११ रहेको छ ।
उनिसहित संघमा योगदान पुरयाउने पूर्व यामनाथ आचार्य राजकुमार भटराई , गणेश श्रेष्ठ र धनपति बराललाई कार्यक्रम प्रमुख अतिथि नेपाल उधोग वाणिज्य महासंघ कोशी प्रदेश अध्यक्ष राजेन्द्र राउतले प्रमाण पत्र सहित दोसल्ला ओढाएर सम्मान गर्नु भएको छ । यसैगरी उत्कृष्ट व्यवसायी सम्मान बाट नुतन राइस मिल्सका रुद्रप्रसाद तिम्सिना, चाम्लिङ फोटो स्टुडियोकि रामदिपा राई, श्रेष्ठ छापाखानाका गणेश श्रेष्ठलाई सम्मान प्रदान गरिएको थियो ।
साधारण सभाको बन्द सत्रमा अध्यक्ष गुरागाईंले संघको वार्षिक प्रतिवेदन, व्यवसायिक हित कोष सञ्चालक उपसमिति संयोजक ज्ञाननाथ पौडेलले व्यवसायिक हित कोषको प्रतिवेदन, तथा तृतीय उपाध्यक्ष रुबल अधिकारीले आर्थिक प्रतिवेदन प्रस्तुत गर्ने कार्यक्रम रहेको संघका वरिष्ठ उपाध्यक्ष राजु खड्काले जानकारी दिए।
