साँच्चिनै शिक्षा र स्वास्थ क्षेत्र स्वतन्त्र हुनु पर्छ,न यहाँ राजनिति या त धर्म प्रचार। यी दुबै क्षेत्रमा स्वास्थ र शिक्षित जनशक्ति तयार गरिने दुई क्षेत्र हुन्। तर, नेपाल यस्ताे देश बनिदियाे कि यहाँ जुन ठाउँमा जसले जे गरे पनि हुन्छ, किन भने यहाँ कानुन निरीह छ र नागरिक चेतनशील छैनन्।
स्कुलमा शिक्षकले राजनिति गर्छन् उता अस्पतालमा डाक्टरले। किनभने डाक्टर बन्न पढ्नु पर्छ पढ्दा पढ्दै उ डाक्टरहरुकाे नेता बन्छ र हस्पिटलमा उसले बिरनमिमाथि राजनिति गर्छ।त्याे बिरामि कुन दलका हुन् भनेर विभेद गरिन्छ।
धर्म, आफुलाई असल बाटाेमा हिडाउने एउटा अस्त्र मानिन्छ जुन बिषयकाे शिक्षाहरु दिन फरक स्कुल कलेजहरु छन् तर, नेपालमा कयौं यस्ता स्कुलहरु छन् जहाँका शिक्षकहरुले बिद्यार्थीहरुलाई कक्षाकाेठामा हाजिरी गराउदा हिन्दु धर्मका भगवानकाे नाम बाेल्न बाध्य पारिन्छ।
यसै, बिषयमा राैतहटकाे पराेहा नगरपालिकामा रहेकाे एउटा स्कुलकाे बालबालिकाहरु अलग अलग धर्ममा आस्थावान अभिभावकका सन्तान भएपनि हिन्दुकाे भगवानलाई ” जय श्रीराम ” भन्न बाध्य छन्। के यसाे गरिँरदा ती बिद्यार्थीहरुकाे धार्मिक स्वतन्त्रता जिवित छ त ??
मेवालाल यादव। रौतहट । रौतहट जिल्लाको परोहा नगरपालिका-४, लौकाहा स्थित ज्ञान कुन्ज बोर्डिङ स्कूलमा विद्यार्थीलाई हाजिरीको क्रममा “Present” भन्ने शब्दको सट्टा “जय श्रीराम” बोल्न लगाइएको एक भिडियो सार्वजनिक भएपछि यसले सामाजिक सञ्जालमा चर्को बहस जन्माएको छ।
भिडियोमा शिक्षकको निर्देशनमा कक्षाको हाजिरी लिने क्रममा विद्यार्थीहरूले “Present” नभनी “जय श्रीराम” भन्न बाध्य भएको देखिन्छ। यो घटनाले धार्मिक तटस्थता र शिक्षा प्रणालीमाथि प्रश्न उठाएको छ। विद्यालय जस्तो थलोमा यस्ता धार्मिक अभिव्यक्तिको प्रयोगलाई अनुचित भन्दै सर्वत्र विरोध भइरहेको छ।
घटनाप्रति स्थानीय अभिभावक र समाजसेवीहरू आक्रोशित छन्। उनीहरूको भनाइ छ कि विद्यालयले धर्मको नाममा जबर्जस्ती थोपर्ने काम गरेको छ। एक अभिभावकले भने, “विद्यालय भनेको शिक्षा प्रदान गर्ने पवित्र स्थान हो। यस्तो प्रकारको गतिविधिले बालबालिकाको मानसिकता र सामाजिक संरचनामा नकारात्मक प्रभाव पार्छ।”
विद्यालय प्रशासनले हालसम्म कुनै आधिकारिक प्रतिक्रिया दिएको छैन। तर, स्थानीय निकाय र सरोकारवाला पक्षहरूले घटनाबारे सत्यतथ्य पत्ता लगाउन माग गरेका छन्। जिल्ला शिक्षा कार्यालयले पनि घटनाप्रति चासो देखाउँदै छानबिन प्रक्रिया अघि बढाउने बताइएको छ।
धर्मनिरपेक्ष मुलुकमा शिक्षालाई धार्मिक प्रचारको माध्यम बनाउनु निन्दनीय कार्य मानिन्छ। यसले धर्मनिरपेक्षताका सिद्धान्तहरूलाई कमजोर पार्न सक्ने खतरा रहेको जानकारहरू बताउँछन्। यस्तो कार्यले विद्यार्थीहरूको स्वतन्त्र सोच र समानतामा आँच पुर्याउने सम्भावना हुन्छ।
यस घटनाले धर्म र शिक्षाको बीचको स्पष्ट सीमारेखा कोर्न आवश्यक रहेको देखाएको छ। अभिभावक, शिक्षक, र समाजसेवीहरूले यस्ता घटनाको विरोध गर्दै समानता, सहिष्णुता, र स्वतन्त्रताको पक्षमा आवाज उठाउन जरुरी छ। धर्म व्यक्तिगत आस्था हो, र यसलाई बाध्यकारी बनाउन कुनै पनि स्थान उपयुक्त हुँदैन।
शिक्षाको उद्देश्य सबैलाई समान रूपमा ज्ञान प्रदान गर्नु हो, न कि धर्म विशेषलाई प्राथमिकता दिने। यस घटनाले समाजलाई थप जागरूक र सचेत बनाउने आशा गरिएको छ।
भिडियो हेर्नका लागि याे link मा जानुहाेस: https://www.facebook.com/share/v/15gnfa36aB/
