हिमांशु राय,माेरङ। माेरङकाे विराटनगरमा क्रिसमसको पूर्व सन्ध्यामा विराटनगरमा शुभकामना आदानप्रदान गरिएको छ । विराटनगर ईसाई समाजको आयोजनामा विराटनगर स्थित सेन्टजोन विलिवर्स इस्टर्न चर्चमा बृहत् रूपमा क्रिसमसको अवसरमा शुभकामना आदानप्रदान कार्यक्रम गरिएको हो ।
कार्यक्रमका प्रमुख वक्ता पास्टर सुरज मल्ल रहेका थिए। साथै प्रमुख अतिथि खेलकुद विकास बोर्डका सदस्य सचिव पर्शुराम बस्नेत रहेका थिए। विराटनगर ईसाई समाजले समाजका वरिष्ठ सल्लाहकारहरुलाई उनीहरुले समुदायमा पुर्याएको योगदानको कदर गर्दै दोसल्ला र सम्मान पत्र सहित सम्मानसमेत गरिएको छ ।
देश धर्म निरपेक्ष रहेको र सौहार्दपूर्ण तवरले सबैले आफ्नो धर्म प्रेम र शान्तिका साथ मनाउन सकिने वक्ताहरुले बताए । हालसामाजिक सञ्जालमा धार्मिक सद्भाव विथोल्ने गरि विकृतिहरु फैलिरहेको यस विकृतिलाई परास्त गर्न इसाई समाजले प्रमुख भूमिका खेल्नमा आफू आशावादी रहेको खेलकुद विकास बोर्डका सदस्य सचिव बस्नेतले बताए ।
विभिन्न सांगीतिक प्रस्तुती साथै कविता वाचन गर्दै क्रिसमस शुभकामना कार्यक्रम सम्पन्न भएको हो । ख्रीष्टको जन्म सबै मानिसका निम्ति खुसीको सन्देश रहेको र उनले संसारमा फैलाएको प्रेम सबैमा बाँड्नु आवश्यक रहेको प्रमुख वक्ता विराटनगर इसाई समाजका अध्यक्ष पाष्टर सुरज मल्लले बताए।
