कृष्ण कुँवर। पर्वत फलेवास नगरपालिका २ थापाठाना (घैयार) का घनश्याम छेत्री यतिबेला पोखरामा बुबाको साथमा छन्।
तीनबर्ष अघी यूएई पुगेका थिए घनश्याम,तर बिगत ८ महिनादेखी परिवारको संपर्कमा नआएका घनश्याम क्षेत्रीको बारे जियोग्राफी न्यूज नेटवर्क द्वारा सञ्चालित सूचना चौतारी अनलाईनले खबर प्रकाशित गरेको थियो। पर्बत समाज यूएई र सूचना चौतारी अनलाइनका यूएई समाचार दाताले घनश्यामको खोजीकार्य गरेका थिए।
यूएईको सफाई कम्पनी अल तान्मिया (AL TANMYAH SERVICES L.L.C.) मा पुगेका घनश्याम संपर्कमा नआउंदा घनश्यामका बुबा कृष्ण प्रसाद भुषालका निकट मदनजंग कुँवरले सबै परिवार चिन्तित भएको बताएका थिए।
घनश्यामकी पत्नी शोभा क्षेत्रीले २०७८-११-२८ मा यूएई गएको तर ८ महिनादेखि आफ्नो श्रीमान संपर्कमा नआएको भन्दै खोजिदीन यूएईमा रहेको नेपाली दूतावास अबुधाबी, पत्रकारहरु पर्वत समाज यूएई, नेपाली संघ-संस्थाहरु, समाजसेवी, मानव अधिकारकर्मी, बुद्धिजीवी र यूएईका सम्पूर्ण नेपाली हरुलाई आग्रह गरेकी थीईन।
पर्वत समाज युएईका अध्यक्ष तिलक सापकोटा, उपाध्यक्ष पुर्ण भुषाल, महासचिव जगदिश शर्मा, कोषाध्यक्ष बिनोद पौडेलले घनश्यामलाई प्रत्येक्ष भेटेर घनश्यामको अवस्थाको बारेमा जानकारी लिएका थिए।
घनश्यामको युएईमा बस्न यहि १२ डिसेम्बर सम्म मात्र मिल्ने भएकोले त्यहांभन्दा पहिलानै उनलाई नेपाल पठाउनुपर्ने अवस्था रहेको पर्वत समाजले बताएको थियो।
घनश्यामको विषयमा घनश्यामको स्वास्थ्य परीक्षण गरेर (Fit to Fly) उडान गर्न तयार कागजपत्र बनाएर टिकट लीई १२ तारिख भित्र नेपाल पठाउनै पर्ने अवस्था थियो।
पर्वत समाज युएईद्वारा घनश्यामको स्वास्थ्य परिक्षण गरि दुबईदेखि नेपाल जाने हवाई टिकटको व्यवस्था गरेर हींजो बिहान ४:१० बजेको नेपाल एयरलाईन्सको जहाजबाट घनश्याम नेपाल प्रस्थान गरेको समाजका अध्यक्ष तिलक सापकोटाले बताएका थिए।
घनश्यामलाई विमानस्थलमा छोड्नको लागी पर्वत समाजका अध्यक्ष तिलक सापकोटा, बरिस्ठ सल्लाहकार कमल लामिछाने, समाजसेवी, लक्ष्मण पौडेल पुगेका थिए।
घनश्याम फर्काउने अभियानमा साथ दिने सबैलाई धन्यवाद दींदै सूचना चौतारी अनलाईन, र महाप्रतिबाद साप्ताहिकलाई घनश्यामका बुबा भन्छन्,- छोरा आएको छ आज म र मेरो सबै परिवार धेरै खुशी छौं। यो पबित्र कार्यमा अहोरात्र खटेर छोरालाई नेपाल पठाईदिने पर्बत समाज, समाजका अध्यक्ष तिलक सापकोटा, सूचना चौतारी अनलाइन, अल्तान्मिया कम्पनी लगायत सबै सहयोगिहरु सम्पुर्णलाई ह्वदय देखि धन्यवाद दिन्छु।
घनश्यामलाई भेट्न फिस्टेल अस्पताल पोखरामा पुगेका दीपक कुँवरले भने- फिस्टेल अस्पताल पोखरामा घनश्यामको स्वास्थ्य जाँच सकिएको छ, आजनै घनश्याम पोखराबाट पर्वत लाग्नेछन्।
