काठमाडौं। द मदर फाउन्डेसनद्वारा गत मंसिर ३ गत्तेदेखि तीनदिन सम्म राजधानीमा एक कार्यक्रम आयाेजना गरि इस्लामिक कलाको अन्तर्राष्ट्रिय दिवस मनाएको छ।
मलेसियाली दूतावासको सहयोगमा नेपाल ललितकला प्रज्ञा प्रतिष्ठानमा आयोजित उक्त समारोहमा इस्लामिक कला र वास्तुकलाको अन्तर्राष्ट्रिय प्रदर्शनी गर्दै दिवस मनाइएको हो।
पूर्वराष्ट्रपति विद्यादेवी भण्डारीले नोभेम्बर १८ लाई इस्लामिक
कलाको अन्तर्राष्ट्रिय दिवस घोषणा गरिएकोमा धन्यवाद व्यक्त गर्नु भएकाे थियाे। भण्डारीले विश्वभरी नै प्रयोग हुने कला र डिजाइनहरूमा इस्लामिक कलाको महत्वपूर्ण भूमिका रहेको बताएकि थिईन्।
मूर्त र अर्मूत सांस्कृतिक सम्पदाको संरक्षण गरेको भन्दै पूर्वराष्ट्रपति भण्डारीले इस्लामिक कला र वास्तुकलाको महत्वमाथि प्रकाश पारेकि थिइन् ।
द मदर फाउन्डेसनका संस्थापक एवं पूर्व न्यायाधीश डा. सलाउद्दिन
अख्तर सिद्धीकीले हिन्दू समुदायमा इस्लामिक कलाको के योगदान
छ भन्ने लुकेर बसेको तथ्यलाई मलेसियाली दूतावासको सहयोगमा नेपाल ललितकला प्रज्ञा प्रतिष्ठानमा इस्लामिक कला र वास्तुकलाको अन्तर्राष्ट्रिय प्रदर्शनी गरिएको थियाे ।
इस्लामिक कला र वास्तुकलाको महत्व र प्रयोग विश्व सामु ल्याउने उद्देश्यले सन् २०१६ मा संस्थाको स्थापना गरिएको सिद्धीकीले जनाएका थिए।
कार्यक्रममा नेपाल ललितकला प्रज्ञा प्रतिष्ठानका कुलपति नारदमणी हार्तम्छालीले नेपालको संस्कृतिक क्षेत्रमा इस्लामिक
कला र वास्तुकलाले ठूलो सहयोग पुयाएको बताए।
कुलपति हार्तम्छालीले नेपाल ललितकला प्रज्ञा प्रतिष्ठानले द मदर फाउन्डेसनलाई सक्दो सहयोग गरेको र आगामी दिनहरूमा पनि गर्ने प्रतिबद्धता जनाए। युनेस्कोले सन् २०१९ को नोभेम्बर १८ मा यो दिवस मनाउने घोषणा गरेको थियो। यसै क्रममा द मदर फाउन्डेसनले पनि यो दिवस मनाउन इस्लामिक कला रवास्तुकलाको अन्तर्राष्ट्रिय प्रदर्शनी गरेको संस्थाकी अध्यक्ष
तबस्सुम सिद्धिकीले बताइन्।
भने ४ गत्ते मंगलबार भएकाे एक सम्मेलनलाई राष्ट्रिय ख्रीष्टियन महासंघ नेपालले सहकार्य गरेकाे थियाे। साथै युनेस्कोको नेपाल प्रमुख माइकल क्रोफ्ट, मलेसियाली दूतावासका चार्ज डी अफेयर्स मोहम्मद फुरियस अजम र इसिंसाका महानिर्देशक प्रा.डा. महमुद इरोल किलिक, पूर्वपरराष्ट्रमन्त्री रमेशनाथ पाण्डे,प्रा. डा. दिनेशराज पन्त, नास्टका पूर्वउपकुलपति प्रा.डा. जीवराज पोखरेलले इस्लामिक कला र बास्तुकला एवं नेपालमा यिनको प्रभावका विषयमा आफ्ना धारणा राख्नु भएकाे थियाे।
तीन दिनसम्म चलेकाे उक्त देशका प्रदर्शनीमा नेपालसहित भारत, टर्की, रसिया, मोरक्को, मलेसियालगायतका इस्लामिक क्यालिग्राफी, चित्रकला र फोटोहरू समावेश गरिएकाे थियाे ।
International day of Islamic art celebrated in Kathmandu with (FNCN)
