झापा । झापाको दमक नगरपालिका वडा नं ३ मा रहेको बेलडाँगी र मोरङको पथरीस्थित शरणार्थी शिविरका ज्येष्ठ नागरिक, अशक्त र असहायलाई इन्ट्रा नेसनल वेलफेयर एण्ड सपोर्ट फाउण्डेसन अफ अमेरिकाकाे टिमले जीवन निर्वाह रकम (भत्ता) वितरण गरेको छ । इन्ट्रा नेशनल वेलफेयर एण्ड सपोर्ट फाउण्डेसनका अध्यक्ष डिल्ली अधिकारी लगाएतकाे टिमलाई शरणार्थी शिविर क्याम्प गेटबाटै चुलाचुली माध्यमिक बिधालयका विद्यार्थीहरुले फुल , माला र बाजागाजा सहित भब्य स्वागत गरेका थिए ।
फाउण्डेसनका अध्यक्ष डिल्ली अधिकारीले बेलडाँगी शिविरका २ सय ५१ र पथरी शिविरका ५६ जनालाई मासिक जनही रु पाँच हजारका दरले जीवन निर्वाह एवं पौष्टिक आहारका लागि शुक्रबार रकम वितरण गरीएको थियो । इन्ट्रा नेसनल वेलफेयर एण्ड सपोर्ट फाउण्डेसनका अध्यक्ष डिल्ली अधिकारीले विगतदेखि नै शिविरका ज्येष्ठ नागरिक, असहाय र असक्तहरूलाई मासिक रूपमा सो रकम उपलब्ध गराउँदै आएका छन् ।
शरणार्थी शिविरभित्र कष्टकर जीवन निर्वाह गरिरेहका नागरिकहरु लाई केही सहयोग पुगोस् भन्ने उद्देश्यले नेपाल सरकारको स्वीकृतिमा यो कार्यक्रम विगत २०१९ देखि निरन्तर चलिरहेको छ । पुर्नर्बास कार्यक्रमअन्तर्गत अमेरिकामा रहेका आफूहरूले शिविरमा अलपत्र छोडिएकाहरूका लागि थोरै भए पनि सहयोग पुगोस् भन्ने हेतुले सहयोग गर्दै आएको इन्ट्रा नेसनल फाउण्डेसनका अध्यक्ष डिल्ली अधिकारीले बताउनुभयो ।
दमक नगरपालिका वडा नं. ३ मा रहेको बेलडाँगी र मोरङको पथरी स्थित शरणार्थी शिविर यी दुई शिविरमा छिमेकी मुलुक भुटानबाट अन्यायपूर्वक लखेटिएर नेपालमा जबर्जस्ती शरणार्थी बनाइएका लगभग आठ हजार नेपाली भाषी बसोबास गर्दछन् । शिविरका अशक्त तथा असहायहरूका लागि फाउण्डेसनले ‘डे केयर’को पनि व्यवस्था गरेको छ । इन्ट्रा फाउन्डेसनले भुटानी शरणार्थी प्रभावित मोरङको पथ्रीशनिश्चरे र दमक नगरपालिकालाई एक/एक वटा एम्बुलेन्स पनि प्रदान गरेको छ । भुटानी शरणार्थीहरूको सामाजिक, आर्थिक र सांस्कृतिक क्षेत्रमा काम गरिरहेको सो फाउन्डेसनले पथ्रीशनिश्चरे १० स्थित भुटानी शरणार्थी शिविरमा एक कार्यक्रमको आयोजना गरि एम्बुलेन्स प्रदान गरिको थियो ।
त्यसैगरी बालबालिकाका लागि उचित शिक्षादीक्षा उपलब्ध हुन सकोस् भनेर स्थानीय विद्यालयका लागि अङ्ग्रेजी, विज्ञान, गणितजस्ता विषयका २७ जना शिक्षक शिक्षिका उपलब्ध गराएको छ भने अहिले अङ्ग्रेजी माध्यमबाट पढाई भइ रहेको छ । शिक्षक र शिक्षिकाको सम्पुर्ण तलब शुल्क इन्ट्रा नेसनल वेलफेयर एण्ड सपोर्ट फाउण्डेसनले दिदै आएको इन्ट्रा नेसनल वेलफेयर एण्ड सपोर्ट फाउण्डेसनका शिक्षक टि आर कालिकोटेले बताउनुभयो ।
फाउण्डेसनको सहयोगमा पथ्री शिविरमा स्वास्थ्य चौकी निर्माण भइसकेको छ भने बेलडाँगी शिविरको स्वास्थ्य चौकी निर्माणका लागि स्थानीय शिविर व्यवस्थापन समिति सँगको परामर्श पनि भएको थियो तर कुनै एक संस्थाले सहयोग गर्ने उदेश्यले भाजि हालेर उक्त्त काम रोकिरहेको र सहयोग गर्ने उदेश्य भए कुनै अर्को शीर्षकमा सहयोग गर्न फाउण्डेसनका अध्यक्ष डिल्ली अधिकारीले बताउनुभयो । भुतपुर्व क्याम्प ब्यबस्थापन समितिको सचिव टि.बि राईले स्वागत मन्तव्य राख्नुभएको थियो भने राम बानियाँले कार्यक्रम संचालन गर्नु भएको थियोे ।
नेसनल वेलफेयर एण्ड सपोर्ट फाउण्डेसनका महासचिव गेापाल धिताल , ससस्त्र प्रहरी बल नेपाल भुटानी सरणार्थी सुरक्षा बेस बेलडाँगीका बरिस्ठ सहि इन्द्र कोइराला, नेसनल वेलफेयर एण्ड सपोर्ट फाउण्डेसनका एगजिटेटिप मेम्बर एल. बि तिवारी लगायत टिमको उपस्थितिमा कार्यक्रम सम्पन्न भएको थियो ।
