डिकेन्द्र बस्नेत, झापा । नाजरिन युथ इन्टरनेसनलको आयोजनमा १ दिने रक्तदान शिविर आज(शुक्रबार) दमक १ स्थित नाजरिन चर्चको सभा हलमा सम्पन्न भएको छ । उक्त शिविरमा ८६ पाउण्ड रगत संकलन भएको छ जसमा १९ जना महिला र ६६ जना पुरुषले आफ्नो अमुल्य रगत दान गरेका छन ।
कार्यक्रममा नाजरिन युथ इन्टरनेसनल पुर्व तराई संयोजक विशाल राईले सभा अध्यक्षता गरेका थिए भने प्रमुख अतिथिमा नाजरीन युवा संगति नेपालका संयोजक रेभरेण्ड बिरेन राई थिए ।
शिविरको विशिष्ट अतिथि दमक नगर ईसाई समाज अध्यक्ष पास्टर हेमन्त सुब्बा थिए साथै अन्य अतिथिहरुमा दमक ईसाई समाजका उपाध्यक्ष पास्टर राम राई, दमक नगरपालिका वडा नं. ७ कि वडा सदस्य तारा रणपहेलि, वडा सदस्य मान बहादुर खवास, रेडक्रस सोसाइटी दमक उपशाखा प्रमुख सिद्धार्थ दहाल, लेटस गो एन वाई आई (Let´s Go NYI) पूर्व तराई नाजरीनका संयोजक एल्डर अर्पण राई, दमक नगर ईसाई समाज संचार विभाग संयोजक पत्रकार तथा पास्टर डिकेन्द्र बस्नेत, चुलाचुली इसाई समाज युवा संगति अध्यक्ष डेनि राई, रेडक्रस सोसाइटी दमक उपशाखाकि टेक्निसियन कोर्डिनेटर कल्पना न्यौपाने साथै पूर्व तराई नाजरीनको मण्डलीका पास्टर तथा स्थानीय मण्डलीका पास्टर तथा अगुवाहरुको आतिथ्यता रहेको थियोे ।
प्रमुख अतिथि रेभ. बिरेन राईका अनुसार, नाजरिन चर्चका विभिन्न विभागहरूले सामाजिक सेवा गर्ने निर्णयअनुसार यो रक्तदान कार्यक्रम गरिएको हो। यसअघि नगर सरसफाइ, वृक्षरोपण, र विपद् व्यवस्थापनको कार्यहरू समेत गरिसकिएको छ। नाजरिन युथ इन्टरनेशनलले नियमित रूपमा रक्तदान कार्यक्रम गर्दै आएको र यो दोस्रो पटकको कार्यक्रम हो। यस कार्यक्रमको उद्देश्य तत्कालीन आवश्यकता अनुसार सहज रूपमा रगत उपलब्ध गराउन र मानिसहरूको जीवन बचाउन सहयोग पुर्याउनु हो। अध्यात्मिक क्षेत्र भएकोले नाजरिन चर्च र यसको विभिन्न विभागहरूले चेलापन तालिम, अगुवापन तालिम, सेमिनार, र गोष्ठीहरू जस्ता कार्यक्रमहरू पनि नियमित रूपमा सञ्चालन गर्दै आएका छन्। यी कार्यक्रमहरूले सदस्यहरूलाई आत्मिक रूपमा परिपक्व बनाउन, अगुवाइको क्षमता वृद्धि गर्न, र समुदायमा सेवा र सहयोगको भावना जागरूक गराउन मद्दत पुर्याउँछन्।
नाजरिन युथ इन्टरनेशनल (NYI) का संयोजक अर्पण राईले भने, “हामीले देखिरहेका छौं कि रगतको अभावका कारण धेरै मानिसहरू कष्ट भोग्नुपरेको छ, र केहीले अकालमा ज्यान समेत गुमाउनुपरेको छ। यस परिस्थितिलाई ध्यानमा राख्दै, हामीसँग भएको रगत दिन मिलुञ्जेल दान गर्नुपर्छ भन्ने उद्देश्यले यो कार्यक्रम आयोजना गरिएको हो। यसले समाजमा सकारात्मक प्रभाव पार्नेछ र रगतको आपूर्ति सहज बनाउन योगदान पुर्याउनेछ।”
सो कार्यक्रमलाई सफल बनाउन देश तथा विदेशबाट आर्थिक सहयोग पुर्याउनेहरुलाई आयोजक समुहले मायाको चिनो स्वरूप NYI अंकित टिसर्ट प्रदान गरेको थियो ।
