डिकेन्द्र बस्नेत, झापा । द एभरेस्ट बचत तथा ऋण सहकारी संस्थाले आज मंगलबार १३ औं वार्षिक साधारणसभा सम्पन्न गरेको छ । दमक नगरपालिकाकी उपप्रमुख रेगिना भट्टराई प्रसाईको प्रमुख आतिथ्यता तथा संस्थाका अध्यक्ष दिपक खरेलको अध्यक्षतामा कार्यक्रम सम्पन्नता गरेको छ।
आर्थिक सामाजिक बिकासका लागि दिगो र भरपर्दाे वित्तीय व्यवसायिक संस्था बनाउने परिकल्पना बोकेर २०६८ सालमा स्थापना भएको द एभरेस्ट सहकारीले झापाका विभिन्न स्थानीय तह र मोरङको उर्लाबारी समेत गरि ५ वटा सेवा केन्द्रहरुबाट सेवा प्रदान गर्दै आएको छ ।
सभामा संस्थाले असोज ७ गते देखि शुरु गरेको इकाई गत साधारणसभामा प्रस्तुत संस्थाको बार्षिक तथा लेखा प्रतिवेदनलाई सुझावसहित एकीकृत माइन्यूट प्रमाणिकरण गरि साधारणसभा सम्पन्न गरिएको निमित्त व्यवस्थापक धर्मानन्द भट्टराईले बताए ।
संस्थाले गत असोज ७ मा बुधबारे सेवा केन्द्र, ८ गते विर्तामोड सेवा केन्द्र, १३ गते सुरुङा सेवा केन्द्र ,११ गते उर्लावारी सेवा केन्द्रमा इकाईगत साधारणसभा सम्पन्न गरेको थियो ।
सभा समापनमा प्रमुख अतिथि नगर उपप्रमुख भट्टराईसहित दमक उद्योग वाणिज्य संघका अध्यक्ष गोपाल गुरागाई, जिल्ला बचत तथा ऋण सहकारी संघका जिल्ला अध्यक्ष तुलाराम न्यौपाने, मेनेर्जस क्लव झापाका अध्यक्ष खोमप्रसाद बगाले लगायतले सहकारीका विविध विषयमाथि चर्चा गरेका थिए ।
कार्यक्रममा सहभागि अतिथिहरुलाई संस्थाले मायाको चिनो स्वरूप गौतम बुद्धको मुर्ति प्रदान गरेको छ ।
संस्थाको शेयर पूंजी रु. ४ करोड ९८ लाख ३३ हजार ४ सय, बचत र. ८२ करोड ७६ लाख १९ हजार २ सय १३, कुल निक्षेप ३१ करोड ८ लाख ५५ हजार ३ सय ५१ रुपैयाँ, कुल कारोबार ४३ करोड ७४ लाख ७३ हजार ८ सय ८६ रुपैयाँ कारोबार भएको प्रतिवेदनमा उल्लेख गरिएको छ।
