डिकेन्द्र बस्नेत, झापा । आमूल परिवर्तन नागरिक पार्टीकि केन्द्रीय उपाध्यक्ष तथा महिला नेतृ शुशिला बेघा (सबिना) को असामयिक निधन भएको छ । उहाँलाई पाटन अस्पतालमा करिब ३ बजे लगिए पनि उनको शुक्रबार राति अन्दाजी २ बजे घटना स्थलमा नै मृत्यु भएको अस्पताल प्रशासनले बताएको छ।
केही दिन यता लगातार भारी वर्षाका कारण बाढी पहिरो र प्राकृति प्रकोपमा धेरै जना मारमा परेको अवस्था छ, उहाँ यसैको चपेटमा पर्नु भएको हो । काठमाडौं भैंसेपाटीमा बस्दै आउनुभएको बेघा गय राति सामान र छोराछोरी सुरक्षित स्थान तर्फ लैजाने क्रममा उनी पहिरो सँगै रुखले किचेर उनको मृत्युु भएको पारिवारिक स्रोतले जनाएको छ ।
विक्रम संवत २०२९ चैत ८ गते कुरुम्बाङ, तुम्वाबे गाउँ पालिका पाँचथरमा कान्छि छोरीको रुपमा बेघा जन्मेकि हुन । उनको परिवार २ जना दाजु र १ जना दिदी छन भने उनी कान्छि छोरी हुन।
५१ वर्षको उमेरमा उनको निधन भएको हो । भरत गिरि अध्यक्ष रहेको आमूल परिवर्तन मसिहा पार्टीको संस्थापक उपाध्यक्ष रहनु भएको बेगा पछिल्लो समय दलमर्दन कामीको पार्टीसँगको एकता पछि पनि उनी पार्टीको उपाध्यक्षमा रहेर पार्टीमा काम गर्दै आउनुभएको थियोे । ख्रिस्टियन जगतमा निरन्तर रुपमा डटेर लागि पर्ने नेताका रुपमा रहेर चिनिनु भएको बेगा पार्टीमा उहाँको ठुलो योगदान रहेको छ ।
यस्तै सामाजिक कार्यमा सधैं अग्रसर रहने उनी चर्चमा समेत सक्रियताका साथ लाग्नुभएको थियो । उहाँको असामयिक निधनले पार्टी, मण्डली र देशले एक कुशल महिला नेतृलाई गुमाउनु परेको छ ।
ललितपुर न्यु लाईफ चर्चका पास्टर यमराज बेघा उनका श्रीमान हुन भने उनको २ छोरा र २ जना छोरीहरु छन ।
