बिर बहादुर तामाङ, रौतहट । मधेस प्रदेसको रौतहट जिल्लाको चन्द्रपुरमा असोज ७ र ८ गते २ दिने गोठलो सम्मेलन तथा पुस्तकको अभिमुखिकरण कार्यक्रम सम्पन्न भएको छ ।
लामो समयदेखिको प्रतिक्षा र समाजमा नेतृत्व गर्ने अगुवाहरुको लागि अति नै उपयोगी र रोचक राल्स माहोनीद्वारा लेखित Shepherd Staff गोठालोको लौरो पुस्तक अंग्रेजी र हिन्दी भाषामा अनुवाद भएको भएतापनि नेपालीमा भने उपलब्ध थिएन । यस अभावलाई पुर्णता दिन दक्षिण भारतका डा. अमरुद आनन्द र पास्टर त्रियोगी चौधरी र उहाँको टिमको अथाह प्रयासका कारण यो पुस्तक नेपाली भाषामा नेपाली बजारमा आएको हो।
पुस्तकमा समाजलाई नेतृत्व गर्ने ब्यक्ति,समुदाय र भिडलाई नेतृत्व गर्ने ब्यक्तिको विशेषता,नेतृत्व गर्ने तरिका र सरल तरिकाले बुझाउने उपायहरु रहेको बिमोचनका आयोजक पास्टर त्रियोगी नारायण चौधरीले जानकारी गराउनुभयो ।
कार्यक्रमको प्रमुख अतिथिको रूपमा लामो समयदेखि संचार क्षेत्र रेडियोमा कार्यक्रम उत्पादन तथा प्रस्तोताको रूपमा जनमानसको हृदयमा बस्न सफल व्यक्तित्व कुशल शिक्षक बिशप नारायण शर्मा हुनुहुन्थ्यो । उहाँले कार्यक्रममा उपस्थित अगुवाहरुलाई परमेश्वरको भय मानेर परिवार,समाज र आफैलाई अघि बढ्न र नेतृत्व गर्ने काममा लाग्न चुनौती दिँदै, उत्साह दिनुभयो ।
कार्यक्रममा मधेस प्रदेशका ८ वटै जिल्लाका करिब १२० जना भन्दा बढी अगुवाहरुको उपस्थिति रहेको थियो । उक्त कार्यक्रममा राष्ट्रिय आविष्कार केन्द्रका बैज्ञानिक महाबिर पुनले सम्झना,सपना र अविरल यात्रा आफ्नो जिवनी र किताबको बिक्री बारेमा बोल्नु भएको थियो ।
कार्यक्रमको संयोजक रौतहट इसाई समाज र समन्वय मारानाथा रिजेनेरेसन संस्था तथा विश्वासको मार्ग मण्डली नेपाल बाराले गरेका थिए।
कार्यक्रमको संचालक अर्जुन सिलवालले गर्नुभएको थियो भने संयोजक पा. त्रियोगि नारायण चौधरीले यस गोठालोको लौरो पुस्तक अगुवाको लागि उपयोगी किताब रहेको र सबै सहभागीलाई धन्यबाद दिएर आशिषको प्रार्थना कार्यक्रम समापन गरेका थिए।
