डिकेन्द्र बस्नेत, झापा । दमकमा रहेका विभिन्न संघसंस्था तथा राजनीतिक पार्टीले आज बिहीबार दिप प्रज्वलन गरि संविधान दिवस मनाएका छन ।
दमकको मुटुमा रहेको जेसिस चौकमा आज पहिलो पाइला नेपाल दमक शाखा तथा दमक जेसिसले संयुक्तरूपमा दिप प्रज्वलन गरेको छ । उद्योग वाणिज्य संघ दमकका अध्यक्ष गोपाल गुरागाई , दुवै संस्थाका अध्यक्ष तथा सम्पूर्ण पदाधिकारीहरुको उल्लासपुर्ण उपस्थिति थियो । उनिहरुले मैन बत्ती बालेर एक – अर्कामा खुशि प्रकट गरेका छन । शुभकामना मन्तव्यमा उपस्थित अतिथिहरुले भने देशको संविधानमा रहेर सबैलाई समान व्यवहार गर्नु पर्ने साथै समय सापेक्ष संविधानलाई परिमार्जित गर्दे लानु पर्ने धारण व्यक्त गरेका छन ।
यस्तै, संविधान दिवसरको उपलक्ष्यमा दमक नगर कमिटीले आ- आफ्नो भुगोलमा खटने भनी दिएको निर्देशन अनुरुप दमक वडा नं. ८ बाहेक सबै वडामा नेकपा एमाले वडा कमिटीले सडक सरसफाइ गरेको छ । त्यसैगरी एमाले र नेपाली कांग्रेसले संयुक्तरूपमा अपन्त्व हुनेगरि एकैठाँउमा उभिएर फाल्गुनन्द चौकमा रास्ट्रिय झण्डा राखिनुका साथै दिप प्रज्वलन गरिएको कार्यक्रममा कांग्रेस नेतृ तथा दमक नगर उपमेयर रेगिना भट्टराई(प्रसाईं), एमाले झापा जिल्ला इन्चार्ज तथा पुर्वमेयर रोमनाथ ओलीले शुभकामना मन्तव्य राखेका थिए। दमकका १० वटै वडाहरुको पहलमा दिप प्रज्वलन गरेको दमक नगर अध्यक्ष राम पौडेलले जानकारी दिए ।
यसैगरी माओवादी (केन्द्र)अन्तर्गतका वाइसीएल( YCL) तथा विद्यार्थी संगठन दमकको आयोजनामा दिप प्रज्वलन कार्यक्रम गणतन्त्र चौक दमकमा गरेको छ। अखिल क्रान्तिकारी झापा जिल्ला अध्यक्ष विवेक दाहाल, वाइसीएल नेपाल केन्द्रीय सचिव कर्मा पुलामी, अखिल (क्रान्तिकारी) प्रदेश प्रमुख सचिव नयन वान्तवा राई, वाइसीएल जिल्ला अध्यक्ष डेभिड शाही ठकुरी, माओवादी (केन्द्र) दमक नगर अध्यक्ष रबि बस्नेत, नगर इन्चार्ज बेदु गौतम, सहइन्चार्ज तिर्थराज बस्नेत (शङखर), तथा पार्टीका प्रदेश कमिटी , झापा जिल्ला तथा दमक नगरबाट उल्लेखनीय सहभागीता रहेको थियो। कार्यक्रमको अध्यक्षता गरेका विवेक दाहाल लगाएतका उपस्थित नेताहरूले शुभकामना मन्तव्यमा भने संविधान बनाउन माओवादी केन्द्रको ठुलो योगदान रहेको कुरा बिर्सन नहुने र संविधानको मर्ममा रहेर सबै नेपाली हिड्नु पर्ने बताएका छन।
