झापा । लागुऔषध र दुव्र्यसनको प्रयोगले हुने क्षतीको न्यूनिकरण र नियन्त्रणमा स्थापना भएको नयाँ गोरेटो प्रतिष्ठानले झापाको डुडामारीमा भदौं १९ गतेदेखि डुडामारी मिनी महोत्सव आयोजना गरेको छ ।
गीतसंगीतको माध्यमद्धारा युवाहरुलाई लागुऔषध र दुव्र्यसनबाट बचाउन शिबसताक्षी–८ डुडामारीमा रहेको नयाँ गोरेटो प्रतिष्ठानले डुडामारी हाउजी तता मिनी महोत्सव आयोजना गरिएको हो ।
आइतबार, डुडामारीस्थित जुङ्गे (पिपल) चौकमा रहेको नयाँ गोरेटो प्रतिष्ठानको कार्यालयमा पत्रकारहरुसंगको भेटघाटमा यस्तो जानकारी गराएको हो । प्रतिष्ठानका सचिव बालाहाङ सुब्बाले संस्थागत बृद्धि विकासका निम्ति र पुनस्र्थापनाका लागि त्यहाँ आश्रित युवाहरुको सेवासुविधाका लागि डुडामारी हाउजी तथा मिनी महोत्सव आयोजना गरिएको सचिव बालाहाङले बताए ।
१९ भदौंबाट सुरु हुने डुडामारी हाउजी तथा मिनी महोत्सव सञ्चालन हुने स्थलको सजिसजावट भइरहेको छ । त्यहाँ, हाउजी बिङ्गो तम्बोला खेलसहित विभिन्न खेल तामासाहरु हुनेछ । त्यसैगरी, महोत्सव अवधीभर राष्ट्रिय कलाकारहरु रचना रिमाल, एलिना चौहान, ज्योती मगर लगायत दर्जनौ गायक–गायीकाहरु र हास्यकलाकारहरुको प्रस्तुती रहने छ ।
डुडामारी मिनी महोत्सव इभेन्ट मेनेजमेन्ट कनकाई फनवार्डका प्रतिनिधि खगेन्द्र गुरुङका अनुसार नयाँ गोरेटो प्रतिष्ठानले आयोजना गर्न लागेको कार्यक्रमलाई मनोरञ्जनात्मक बनाउन सवैप्रकारका रचनात्मक तथा सृजनात्मक भूमिका खेल्ने बताए ।
महोत्सव सम्पन्न गर्न रु ८ देखि १० लाखसम्म खर्च हुने अनुमान गरिएको छ । महोत्सवमा दिवाकालिन प्रवेशद्धारमा शुल्क नलाग्ने र सध्याकालिन प्रवेशद्धारमा शुल्क लाग्ने आयोजकले जनाएको छ । राष्ट्रिय ख्याती कलाकारहरुको प्रस्तुती साँझमै हुने भएकोले प्रवेशद्धारमा शुल्क लिइने आयोजकको भनाई छ ।
प्रतिष्ठानका अध्यक्ष समेत रहनुभएका स्थानीय सामाजिक अगुवा दिनेश चेम्जोङले भाद्र १९ गतेदेखि सुरु हुने डुडामारी मिनी महोत्सवलाई सफल बनाउन स्थानीयवासीहरु, संचेत युवाहरु, सामाजिका संघसंस्था, राजनीतिक दलका नेताहरु र सर्वसाधारण नागरिकले एकजुट हुनुपर्नेमा जोड दिए ।
पत्रकार सम्मेलनमा प्रतिष्ठानका सदस्य बिक्रम नेम्बाङले नेपाली महिलाहरुको महान चाडपर्व हरितालिका तीज र कुशे औंसीको अवसरमा सुरु गरिन लागेको डुडामारी मिनी महोत्सवले डुडामारीको परिचय, व्यापार व्यवसायमा बद्धि, स्थानीय सवारीसाधनको प्रयोग लगायतका क्षेत्रमा व्यवसायीक विकास हुने बताए । डुडामारी बजार व्यवस्थापन समितिका सचिव समेत रहनुभएका नेम्बाङले महोत्सव आयोजना गर्नुको मुख्य कारण नै संस्थागत विकासका निम्ति भएको बताए ।
उनले बढ्दो लागुऔषध र दुव्र्यसनको कारण पछिल्लो समय समाजमा अपराधका क्रियाकलापहरु भइरहेको र त्यस्ता क्रियाकलापहरुलाई नियन्त्रण गर्न समाजिक, साँस्कृतिक, राजनीतिक क्षेत्रबाट साझा भूमिका रहनुपर्ने बताए ।
डुडामारीस्थित नयाँ गोरेटो प्रतिष्ठानमा हाल ३५ जना पुरुषहरु पुनस्र्थापनाका लागि बसिरहेका छन् । त्यस्तैं, प्रतिष्ठानद्धारा डुडामारीमा महिलाहरुका लागि समेत पुनस्र्थापना सेवा सञ्चालन भइरहेको सचिव बालाहाङ लिम्बूले बताए ।
