काठमाडौँ। भक्तपुरको गठ्ठाघरमा आज अपराह्न ना ६ ख २१७३ नम्बरको ट्रकले बा ४९ प ८९४४ नम्बरको स्कुटरलाई ठक्कर दिँदा स्कुटर चालक एक महिलाको घटनास्थलमै मृत्यु भएको छ।
प्रहरीका अनुसार घटनाको २ घण्टापछि जगले चक्का उचालेर शव निकालिएको छ। चक्काले झण्डै १०० मिटर घिसारेका कारण शव क्षतविक्षत भएको प्रहरीले जनाएको छ। अनुहार पनि चिनिने अवस्थामा नरहेको जनाइएको छ। शवलाई परीक्षणका लागि भर्खरै शिक्षण अस्पताल महाराजगञ्ज पठाइएको छ।
चालक भने फरार भएका छन्। अहिले सो क्षेत्रमा स्थानीयको प्रदर्शन जारी छ। आक्रोसित भीडले ट्रकमा ढुंगा हानेर तोडफोड गरेका छन्। सडक अवरुद्ध छ। स्थिति न्यन्त्रणमा लिन सो क्षेत्रमा ५०० बढी प्रहरी परिचालन गरिएको छ।
प्रत्येक्ष दर्सिहरुका अनुसार ट्राफिक प्रहरीले दिनहुँ लुकेर स्पिड चेकिङ गर्ने र ४०/५० काे स्पिडमा आएकाे बाईक र स्कुटरहरुलाई सडककाे बिचमा तैनथ ट्राफिककाे हुलले साईडमा लगाउँदा पछाडिबाट आयकाे गाडिहरुबाट ठक्कर दिने गरेकाे जनाएका छन् र आजकाे दुर्घटना पनि यसरीनै भएकाे बताएका छन्।
