मेवालाल यादव,रौतहट। असमान नेपाल रौतहट , ब्रीटिस काउन्सिल र भि.एस.ओ. द्वारा रौतहटको गढिमाई नगरपालिका र गौर नगरपालिकामा संचालित साझेदारी जेम्स परियोजना अन्तर्गत रि-भ्यु एन्ड प्लानिग वर्कसप बारे अन्तक्रिर्या सम्पन्न भएको छ।
गढिमाई नगरपालिका र गौर नगरपालिकामा छुट्टाछुट्टै भएको एकदिवसीय अन्तक्रिर्या कार्यक्रममा सामुदायिक स्तरमा गरिने कार्यक्रममा प्रत्येक वडा बाट पालिका, स्वास्थ्य संस्थाबाट कार्य गरिने सहभागीहरुले जोड दिनु भएका थिए ।
गढिमाई नगरपालिकाको सभाहलमा आयोजित कार्यक्रमको प्रमुख अतिथि मेयर श्याम प्रसाद यादवले असमान नेपालको पहलमा भईरहेको कार्यक्रम आमनागरिकको लागि सरहानिय कार्यको सतप्रतिशत सफलतामा हाम्रो सहयोग साथ रहने जानकारी गराएका थिए।
यस्तै गौर नगरपालिकामा आयोजित कार्यक्रमका प्रमुख अतिथि उपमेयर शैल कुमारी साहले ” स्वास्थ्य नै धन हो “ भन्ने मुख्य बिषय बारे चर्चा गरिदै यस नगरपालिकामा प्रस्तावित जेम्स परियोजनालाई उपलब्धि मुलुक बनाउन हाम्रो नगरपालिकाले हरसम्भव सक्रिय रहने प्रतिबद्धता जाहेर गरेका छन्।
अन्तक्रिया कार्यक्रमका प्रमुख संयोजक संजय कुमार यादव ,गौर नगरपालिकाका स्वास्थ्य संयोजक मन्जु रजक , गढिमाई नगरपालिकाका स्वास्थ्य सहजकर्ता सुरज सहनी , सामुदायिक अध्ययन केन्द्रका सहजकर्ता चन्द कुमारी , जे वाई सि का कौसाल साह र गढिमाई नगरपालिका र गौर नगर पालिकाका वाडा अध्यक्षहरुको सहभागिता रहेको थियोे ।
