काठमाडौं । प्रचण्ड नेतृत्वकाे सरकारकाे बहिर्गमन र सरकारमा केपी शर्मा ओलीको पुनरागमन भएसँगै आधा हातले कम्प्युटर चलाउन सक्ने फरक क्षमता भएका गणेश राईले पनि सचिवालयमा पुनः जागिरकाे अवसर पाएका छन् ।
पहिलोपटक प्रधानमन्त्री हुँदै ओलीले राईको क्षमता देखेपछि सचिवालयमा राख्न निर्देशन दिएका थिए । तर ओली प्रधानमन्त्रीबाट बहिर्गमन भएसँगै काँग्रेस र माओवादी सहितकाे सरकार बनेपछि प्रचण्ड नेतृत्वकाे सरकारले गणेश राईलाई पनि हटाइएको थियो । दोस्रोपटक प्रधानमन्त्री हुँदा पनि ओलीले पुनः गणेश राईलाई अवसर दिएका थिए।
हाल पुनः ओली प्रधानमन्त्रीको कुर्सीमा आएपछि गणेश राईको खोजी गरेका थिए। त्यसै अनुरुप खोटाङका एमाले नेताहरुलाई सम्पर्क गर्न भनेर अन्ततः गणेश राईलाई लिएर एमाले पाेलिटब्युराे सदस्य तथा झापा जिल्ला ईन्चार्ज विशाल भट्टराई ओलीसँग पुगेका थिए । त्यसपछि पुनः गणेशको जागिर पनि सचिवालयमा सुनिश्चित गरियो ।
खोटाङ काहुलेका गणेश राई जन्मजात अपांगता भएका व्यक्ति हुन् । उनको दुवै हातको कुहिनाभन्दा तलको भाग छैन । दिक्तेल क्याम्पस पढ्दै गर्दा उनलाई स्व. मिलन राईले केही काम गर्न र अध्ययन गर्न काठमाडौं ल्याएका थिए । भैरव राईले निकै ठूलो सहयोग गरेका थिए ।
