डिकेन्द्र बस्नेत, झापा । ईसाई समाज दमकको आयोजनामा जेठ ३१ गते बिहीबारको दिन एकदिने विद्यार्थी करियर परामर्श कार्यक्रम गर्ने भएको छ। दमकको फाइन होटलमा हुन लागेको कार्यक्रममा दमक नगर भित्र भएका एसइई र प्लस टुको (+२) परीक्षा दिइ सकेका विद्यार्थी लक्षित कार्यक्रममा अब अगाडि के पढ्ने, र के गर्ने जस्ता विषयमा अन्योल अवस्था उत्पन्न हुने हुँदा सो कुरालाई ध्यानमा राखी कार्यक्रममार्फत उचित परामर्श मिलोस भन्ने हेतुले उक्त कार्यक्रमको आयोजना गरिएको समाजले जानकारी दिएको छ।
यसका साथै व्याचुलर गर्दै गरेका विद्यार्थीका तथा मास्टर अध्ययनरत विद्यार्थीहरुका लागि पनि सो कार्यक्रम गर्न लागेको समाजका अध्यक्ष पास्टर आकाश थुलुङले जानकारी दिएका छन।
सहजकर्ताको लागि लामो समयदेखि करियर डेभलपमेन्ट सम्बन्धि परामर्श दिदै आएका, एनजीओ तथा आइएनजीओमा कार्यरत साथै शिक्षण पेशामा आवद्ध रहेका काठमाडौंका राजन पौडेल आउने तय भएको छ। यस्तै कर्नर स्टोन फाउण्डेशन दमकको सहकार्य रहेको छ। उक्त कार्यक्रममा समाजले परामर्श लिन आउने विद्यार्थीहरुका लागि भने प्रवेशमा निशुल्क गरेको छ।
