डिकेन्द्र बस्नेत, झापा । झापा जिल्ला महिला ईसाई समाजको गत चैत्र १३ गते मंगलबारको दिन गठित नव कार्य समितीले बिर्तामोड प्रार्थना भवनमा जिल्ला ईसाई समाजको उपाध्यक्ष पास्टर तारा चाम्लिङ राईको आतिथ्यमा आज पूर्ण समिति प्राप्त गरेको छ।
उक्त कार्यक्रम पास्टर वीर बहादुर तामाङको प्रार्थनाद्वारा आरम्भ गरिएको थियो। झापा जिल्ला महिला समाजको गठित नयाँ समितिको अध्यक्षमा ममता रेग्मी (विर्तामोड) चयन हुनु भएको छ।
समितिको उपाध्यक्षमा अनुग्रह तामाङ (कमल गाउँपालिका), सचिवमा कमला राई (बाहुनडाँगी) , सहसचिवमा प्रान्त राई (खुदुनाबारी), कोषाध्यक्ष राेधा सुब्बा अर्जुनधारा ईसाई समाजबाट रहनु भएको थियो।
कार्यक्रमबाट अन्य ईसाई समाजबाट सदस्य रहने गरी समितिलाई पूर्णता दिइएको छ। जसमा सदस्यहरु रुबी राई, शशी देवान, गीता कुमाल, निर्मला राजवंशी, रोजी कार्की शेर्पा, अरुणा दर्जी, रूथ कुवँर, सरिता लिम्बु, शारद धमला, गीता तामाङ, पुस्पा रिजाल राई, जयन्ती नेम्बाङ रहनुभएको छ।
आजको बैठकले पूर्व समितीले गरेका ईलाका, नगर समाजमा आबद्ध चर्चलाई नविकरणको कामलाई पूर्णता दिने, झापा जिल्ला ईसाई समाजको २५ औं वर्षगाठ रजत महोत्सव सफतापूर्वक मनाउन सकोस् भनी प्रार्थना अभियान सञ्चालन गर्ने, १७ वटा इलाका ईसाई समाजले १७ दिनसम्म एउटा चर्चले १ दिनका हिसाबले १७ दिनसम्म प्रार्थना चलाउने निर्णय गरेको छ।
समाजले विगत वर्षमा जस्तै ३ दिने उपवास प्रार्थना असोज १ गतेदेखि ३ गते २०८१ मा राख्ने निर्णय गरेको छ। त्यसतै समाजमा आबद्ध नभएका ३ वटा इलाका ईसाई समाज खुदुनाबारी, गौरादह, गौरिगञ्जलाई समाजमा आबद्ध गराउन पहल गर्ने निर्णय गरेको हो।
कार्यक्रमको अन्त्यमा महिला समाजका सल्लाहकार पास्टर कल्पना राईको प्रार्थनामा कार्यक्रम सम्पन्न भएको समाजका सचिव कमला राईले बताउनु भयो।
