काठमाडौं । प्रदेश नं. १ सरकारल हिजो ल्याएको २०७८/७९ को नीति तथा कार्यक्रममा खुवालुङको संरक्षण गर्दै त्यसलाई पर्यटकीय क्षेत्रको रुपमा विकास गर्ने योजना पारित भएको छ ।
प्रदेशले सार्बजनिक गरेको नीति तथा कार्यक्रमको १३५ औं बुँदामा भनिएको छ ‘किराँती संस्कृति, सभ्यता र मुन्धुमसँग जोडिएको सप्तकोसी नदीमा अवस्थित खुवालुङ ढुंगाको संरक्षण गर्दै जल यातायातसँगै त्यस क्षेत्रलाई ऐतिहासिक धार्मिक एवं सांस्कृतिक पर्यटकीय केन्द्रको रुपमा संरक्षण र विकास गरिनेछ ।
खुवालुङ कोशी चतरा पुलबाट पाँच किलोमिटर तथा चर्चित धार्मिकस्थल वराह क्षेत्रबाट एक किलोमिटर माथि पर्छ । करिब २० फिट चौडाइमा रहेको यो ढुंगामा ठूलो आकारको ढुंगाको बिषयमा किँरात समुदायको मुन्धुम,संस्कृती र सभ्यता भएकोले सो को संरक्षण गर्नको लागि बिभिन्न दबाबमूलक गतिबिधीहरु सञ्चालन हुंदै आएको थियो ।
