अबिन मेन्याङ्बाे, काठमाडौं । होटल हायात रेजेन्सी होटलले गरेको भूमी अतिक्रमण तथा तारागाउँ विकास समितिले हडपेको भूमीको विराद्ध बुधबार हायात गेट अगाडी प्रदर्शनी गरेको छ । लामो समय देखी गर्दै आइ रहेको आन्दोलनलाई उनिहरूले यस पटक भने योङ इन्डिजिनिष्ट लिगको मार्फतबाट अगाडी बढाएका छन ।
होटल हायातले हडपेको १५० रोपनी जग्गाको साथै तारागाउँ विकास समितिले वि.स. २०२६ साल देखी १४९ रोपनी जग्गा कब्वा गरेको छन । तारागाउँले पर्यटन प्रवद्धन गर्नको लागि भन्दै २०२६ सालमा रोपनीको रु.१५०० मुवाजा तोकेको थियो । तर उक्त मुवाजा पनि आफुहरुले नभाएको आक्रोस व्याक्त गरेको छन । आदिवासी पर्खाहरुको सम्मानमा मौनधारणबाट सुरु भएको कार्यक्रममा भुमी अतिक्रमण विरुद्ध लामो समय देखी लड्दै आएका दुङह्युल तामाङ छोग्छेनका चोहो तुलाराम तामाङ, ताम्सालिङ संयुत्तः संघर्ष समितिका बाबुराम लोप्चन लगाएतले मन्तव्य व्याक्त गरेका थिए ।
बौद्धका आदिवासी तथा स्थानिय सुरज रुम्बा जो ओम सुखदुख गुठीका अध्ययक्ष पनि हुनले आफुहरूले खाइखेली हुर्केको भूमी तथा आफ्नो बाबु बाजेको भुमी सरकारले जबरजस्त कब्जा गरेको तथा हाल सम्म पनि त्यसको मुवाजा वा क्षेतिपुर्ती नपाएको दावा गरे ।
आयोजक मध्यको एक नेवाः राष्ट्रिय बाहिनीको तर्फबाट बोल्दै इन्चार्ज रविन्द्र कुमार श्रेष्ठले इतिहास देखी कायम रहेको भूमी कब्जा गर्ने कार्यको अब ससक्त प्रतिकार गर्ने बताउनु भयो भने तामाङ राष्ट्रिय बाहिनीका इन्र्चाज निरुता मोक्तानले अब योङ इन्डिजिनिष्ट लिगले देशभर भएका व्यतिथिहरुको भन्डाफोर गर्ने र तिनिहरुलाई कानुनको अधिनमा ल्याइने बताउनु भयो ।
कार्यक्रममा योङ इन्डिजिनिष्ट लिगका सब–कमाण्डर काङ्सोरेले इतिहासमा पृथ्वीनारायण शाहले आदिवासी तथा स्थानियहरुको भूमी अतिक्रमण गर्नको लागि नै आक्रमण गरेको बताउदै हाल पर्यान्त भूमी अतिक्रमणको उत्तः सिलसिला जारी रहेको बताए । उनले वाइआइएल हाल सम्म कायम रहेको संघसंगठन भन्दा भिन्न तथा आदिवासीहरुको भूमी, भूक्षेत्र तथा श्रोतहरुमा कायम रहेको मालिकत्व दावी गरेर जाने बताउनु भयो । उनले अबका दिनमा आदिवासीमाथि विभिन्न स्थानहरुमा कायम रहेको उत्पिडनका विरुद्ध संघर्षको कार्यक्रम अगाडी बढाउने पनि दावा गरे ।
