डिकेन्द्र बस्नेत, झापा । दमक नगरपालिकाको आयोजनामा दमक नगर ईसाई समाजसँग भेटघाट तथा अन्तरक्रिया कार्यक्रम नगरपालिकाको सभाहलमा सोमबार सम्पन्न भएको छ ।
सो भेलामा नगर प्रमुख राम थापा, उपमेयर रेगिना भट्टराई प्रसाईं, दमक नगर प्रशाकिय अधिकृत यज्ञराज निरौला, सामाजिक विकास शाखा प्रमुख केशव प्रसाईं, यस्तै समाजबाट अध्यक्ष पास्टर आकाश थुलुङ्ग राई, सचिव पास्टर अजय पाठक, कोषाध्यक्ष दिपेन्द्र नेम्वाङ,रेभ. एन.डि थुलुङ, पास्टर दावा शेर्पा, पास्टर अनिष अब्राहम, पास्टर किशोर सुनुवार लगाएत दमकभरि रहेका मण्डलीका प्रतिनिधिमुलक सहभागिता रहेको थियो ।
अन्तरक्रिया मार्फत दमक नगर प्रमुख राम थापाले समाजमा रहेका सबै धर्मलाई हेर्ने दृस्ठिकोण एकसमान रहेको जिकिर गर्नु भयो। नगर विकासको योगदानको निम्ति सबै संघसंस्था उठेर लाग्नुपर्ने र हातेमालो गर्नुपर्ने बताउनुभएको छ । साथै सबै मण्डलीहरुको लागि शान्तिसुरक्षा र अन्य आवश्यक कुरामा नगरपालिकाले उचित सम्बोधन गर्ने बताउनु भयो ।
ईसाई समाजका अध्यक्ष आकाश थुर्लुङ राईले कार्यक्रममा
समाजले अहिलेसम्म के कस्तो कार्यहरु गर्यो भन्ने विषयमा उठान गर्नुभएको थियो । जस्तै रक्तदान कार्यक्रम, झापा जिल्लामै सबैभन्दा बढि रक्त संकलन, सरसफाइ कार्यक्रम, सचेतना कार्यक्रम, भैपरि आएका प्राकृतिक प्रकोपमा राहत वितरण तथा सहयोग, नगर विकासमा योगदान पुर्याएको कुरालाई अवगत गराउनुभएको थियो। आगामी दिनहरूमा पनि नगर विकासको निम्ति साझेदारी भएर दमक नगरपालिकासँग मिलेर सहकार्य गर्ने अध्यक्ष थुलुङले बताउनु भयो ।
यस्तै ईसाई समाज प्रशासनिक समन्वय समितिका संयोजक पास्टर राजकुमार नाछिरिङ राईले केही बुदागत रुपमा दमक नगर ईसाई समाजको महत्त्वपूर्ण विषयलाई उठान गर्नु भएको थियो ।
अन्तरक्रिया कार्यक्रम मार्फत केही महत्वपूर्ण तथा आवश्यकीय विषयहरु उचित सम्बोधन गरियोस भन्दै नगरपालिकालाई एक पत्रमार्फत दमक ईसाई समाजले माग गरेको छ।
दमक नगर प्रमुख राम थापा र उपमेयर रेगिना भट्टराई प्रसाईंलाई ईसाई समाजका अध्यक्ष पास्टर आकाश थुलुङ्ग राईले सो पत्र हस्तान्तरण गर्नुभएको छ।
