डिकेन्द्र बस्नेत, झापा । भुसको आगो झै फैलिएको लागु औषध दुब्यर्संन नियन्त्रणका लागि सरोकारवाला सबै पक्षले हातेमालो गर्नु पर्ने झापाको दमकमा आयोजित एक कार्यक्रमका सहभागीले बताएका छन् ।
दमक नगरपालिकाले आयोजना गरेको लागु औषध दुब्र्यसन तथा सामाजिक कुरितीवारे समिक्षा बैठकका सहभागीहरुले शुरु–शुरुमा भुस भित्र सकिएको आगो जस्तो गरी फैलिएको दुर्ब्यसनका विरुद्ध पार्टी , जाती र साथी सबैले हातेमालो गर्नु पर्ने बताएका हुन् ।
दमक नगर पालिकाका प्रमुख राम थापाले समाजमा रहेको लागु औषध प्रयोगकर्ता, विकृति निराकरणका लागि समाजको सरोकारवाला सम्पूर्ण पक्षले आफनो पार्टीको मान्छे, जाती समुदाय र साथी भनेर संरक्षण नगरौ साथै यसलाई जरैवाट उखल्ने काममा सबै क्षेत्रको साथ चाहिने नगर प्रमुख थापाले बताउनुभयो ।
नगरपालिकाले कार्यक्रम लागु औषध नियन्त्रण सचेतना अभियान चलाएपछि दुब्र्यसनको कुलतमा फसेकाहरु २० जना लाई सुधार केन्द्र पठाएको नगरपालिकाले जनाएको छ ।
कार्यक्रममा सहभागी पूर्व जुनियर प्रहरी अधिकृत मोहन वोगटीले यसको प्रभावकारी निराकरणका लागि सिमा नाकावाट नियन्त्रण गर्नु पर्ने सुझाव दिनु भयो । यसै गरी दमक ९का युवा युवराज कोइरालाले विधालय आसपासमा सुर्तीजन्य सामाग्री बेचविखान रोक लगाउन माग गर्दै औषधको लतमा परे नपरेको थाहा पाउन युवा,विधार्थीको गोप्य प्रशिक्षण गर्ने ब्यवस्था नगरपालिकाले गर्न आग्रह गर्नु भयो ।
नेपाल रेडक्रस सोसाइटी दमक उपशाखा सभापति प्रकाश बुढाथोकीले यस अभियानमा पूर्व दुब्यर्सनी साथीहरुलाई सहभागी गराउदै उनीहरुलाई पनि समितिमा थप गर्नु बताउनु भयो ।
सामाजिक अभियान्ता सुरेन्द्र कुमार श्रेष्ठ,राजकुमार दाहाल र युवा नेत्री विन्दु सिटौला लगायतले आ–आफनो धारण राखेका थिए । समिक्षा बैठकमा इलाका प्रहरी कार्यालय दमकका प्रमुख डिएसपी मनोज कुमार लामाले लागु औषधको नियन्त्रण रोकथाम,सचेतना र उपचार अभियान चलाए पछि समुदायको सहयोगमा लागु औषध लगायतका मुद्धा ३८ जनालाई पक्राउ गरि मुद्धा चलाएको केहीलाई सुधार केन्द्र पठाएको बताउनु भयो ।
कार्यक्रममा झापाका प्रमुख जिल्ला अधिकारी बन्धु प्रसाद बास्तोला र जिल्ला प्रहरी कायालय झापाका प्रहरी प्रमुख दुर्गा रेग्मी लगायतको धारण राख्नु भएको थियो ।
