डिकेन्द्र बस्नेत, झापा । दमक वडा नं. ८ का वडाध्यक्ष धर्म प्रसाद दहाल (दिपेश) को अध्यक्षता तथा दमक नगर उपप्रमुख रेगिना भट्टराई प्रसाईको प्रमुख आतिथ्यतामा लागुऔंषध दुर्व्यसन तथा
सामाजिक कुरिती बारे वडास्तरिय समिति र सरोकारवालाहरुसँग को अन्तरक्रिया कार्यक्रम मसम्पन्न भएको छ।
मंगलबार सम्पन्न कार्यक्रमको विशेष अतिथिमा सामाजिक विकास समिति संयोजक शारदा भट्टराई, अतिथीमा ईलाका प्रहरी कार्यलय दमकका प्रहरी निरिक्षक धन बहादुर राजवंशी, ईलाका प्रशासन कार्यालयका सुरेन्द्र राज दाहाल, सामुदायीक प्रहरी कोसी प्रदेश सदस्य मोहन वोगटी, आकाश थुलुङ, पदम प्रसाद गिरि, हरिमाया चुडाल, खेम बहादुर श्रेष्ठ लगाएतको उपस्थिति रहेको थियो ।
गत मंसिर २६ गते दमकको कस्मिक पार्टी प्यालेसमा कोसी प्रदेशका मुख्य मन्त्री केदार कार्किको उपस्थितिमा भएको निर्णय अनुसार ५ वर्ष भित्र लागु/औंषध दुर्व्यसन उन्मुलन गर्ने अभियान कार्यको शुरुवात गरिएको जनाएको छ।
यस अभियानलाई सफल पार्न पुस १६ देखि दमकका हरेक वडाहरुमा वडा स्तरीय कमिटी गठन गर्दे आएको लागुऔंषध दुर्व्यसनि सचेतना अभियान समितिका दमक नगर सदस्य आकाश थुलुङले जानकारी दिएका छन।
अन्तरक्रिया कार्यक्रममा लागुऔंषध दुर्व्यसन तथा सामाजिक कुरिती बारे यसका रोकथाम तथा बच्ने उपाय बारे दमक नगर उपप्रमुख भट्टराई, प्रहरी निरिक्षक धन बहादुर राजवंशी, सामाजिक विकास समिति संयोजक शारदा भट्टराई र लागुऔंषध दुर्व्यसनि सचेतना अभियान समितिका दमक नगर सदस्य आकाश थुलुङले
आफ्नो भनाइ राखेका थिए । उक्त कार्यक्रम मार्फत बृहत छलफल भएको छ।
अन्तरक्रिया कार्यक्रममा उपस्थित सम्पूर्णले संयुक्त रुपमा हस्ताक्षर सहित यस अभियानमा सहभागी रहने ऐक्याबद्वता जाहेर गरेका छन।
सो कार्यक्रमको सञ्चालन दमक नगरपालिका सामाजिक शाखाका केशब प्रसाईंले गरे भने स्वागत मन्तव्य दमक ८ कि वडा सदस्य ममता रसाइलीले गरेकी हुन।
