काठमाडौं । नेपालसहित विश्वभरका क्रिश्चियन धर्मावलम्बीहरूले आज ‘क्रिसमस डे’ पर्व मनाउँदैछन् । अङ्ग्रेजी क्यालेन्डर अनुसार हरेक वर्ष २५ डिसेम्बरमा येशु ख्रिष्टको जन्मदिनको खुशियाली मनाउँदै आयकाे क्रिश्चियन धर्मालम्बीले आज क्रिसमस मनाउन लागेका हुन् ।
दुई हजार वर्षअघि इजरायल देशकाे यरुसेलम स्थित बेथलेहम शहरमा कन्या मारियमको कोखबाट येशुको जन्म भएको इसाई धर्म शास्त्र बाइबलमा लेखिएकाे छ । येशुलाई जिसस क्राइस्ट पनि भनिन्छ । उनले मानव समुदायका लागि पुर्याएको योगदानको सम्झनामा इस्वी संवत् चलाइएको मानिन्छ ।
क्रिसमसको अवसरमा राष्ट्रपति, उपराष्ट्रपति, प्रधानमन्त्री लगायतले शुभकामना सन्देश दिनुभएको छ भने, ‘क्रिसमस डे’ का अवसरमा सरकारले आज सार्वजनिक बिदासमेत दिएको छ ।
ख्रीष्टमसकै अवसरमा राष्ट्रिय ख्रीष्टियन महासंघ नेपालकाे आयाेजनामा काठमाडौंकाे कमलादी स्थित प्रज्ञा प्रतिस्ठानमा उपत्यका भरिका चर्चहरुबाट हजाराैँ ख्रीष्टियनहरुकाे माझमा नेपाल सरकारकाे बिशिस्ट ब्यक्तिकाे उपस्थितिमा ख्रीष्टमस कार्यक्रम समेत आयाेजना गरेकाे छ।
‘ख्रीष्टमस’ पनि भनिने यस अवसरमा आज देशभरका चर्चमा प्रार्थनालगायत कार्यक्रम गरी येशु ख्रीष्टको सम्झना गरिँदैछ । क्रिसमस डेमा येशुको शिक्षा एवं उपदेशको मनन गर्नाका साथै प्रेम प्रकट गर्दै, शुभकामना तथा उपहार आदानप्रदान गरिन्छ ।
