डिकेन्द्र बस्नेत, झापा । झापाको दमकलाई दुर्गन्धि रहित बनाउन झिसमिसे बिहानैदेखि सरसफाइका लागि दमकका युवाहरु आफै जुटेका छन ।
दमक नगरपालिका र नेक्सट एरा कम्पनीको आन्तरिक समस्याको कारण केही दिन यता फोहोर व्यवस्थापन नभएको भन्दै सुन्दर समाज नेपालका अध्यक्ष लक्की सिटौला (बिन्दु), र रास्वपा दमकका सचिव प्रविण पाठकवाड नम्बर ७ अध्यक्ष पवन सिटौला लगाएत अन्य सदस्यहरु दमकलाई सुन्दर , सफा र स्वच्छ बनाउन जुटेका हुन।
दमक बजारको मुख्य सडकहरुमा फोहोर अलपत्र अवस्थामा रहेको छ। यस्तै मानिसहरु दमक बजार किनमेल तथा यात्रा गर्दा बाटामा भएको फोहोरको उचित व्यवस्थापन नभएको कारण दुर्गन्धले हिडन नसक्ने अवस्था भएको छ।
फोहोर व्यवस्थापन सम्बन्धमा दमक नगरपालिकाले अत्यन्तै लापरबाही गर्यो, दमक नगरपालिका र नेक्सट एराले एकले अर्कालाई पन्छिन खोज्नु सरासर गलत रहेको रास्वपा दमकका सचिव प्रविण पाठक बताए । केही समय अगाडि फोहोर व्यवस्थापनका लागि दमक नगरपालिका र सरोकारवालाहरुको छलफल बिना निष्कर्ष टुंगिएको थियो । सफा नगरको पहिचान बनाएको दमक तर उचित व्यवस्थापन नभएको कारण अहिले गनाउने अवस्था आएको छ यो एकदमै समग्र दमकको लागि लज्जास्पद रहेको उल्लेख गरे ।
सरोकारवालाको ध्यान पुगोस्, गैरजिम्मेवार कार्य हो, स्वास्थ्यमा खेलबाड गरिएको छ यस्तो कार्य तुरुन्त बन्द गरिनु पर्छ नभए नागरिकहरु संघर्षमा उत्रिन सकिने बताएका छन।
दमक अत्यन्तै गनायो, हामी दमक बासि नैतिकताको रुपले पनि लाजमर्दो भएको साथै देश विदेशबाट पनि साथीभाइहरुले के हो तिम्रो दमकभरि फोहोर छ त भनेर सुन्दा हामीलाई लाज लागेर सरसफाइमा उत्रिएको सुन्दर समाज दमकका अध्यक्ष लक्की सिटौला (बिन्दु) ले बताइन् ।
दमक सफा राख्नलाई सम्बन्धित निकायले फोहोर नउठाएको खण्डमा हामी निसेसन लिएर आफै जुट्न तयार रहेको बताएकी छिन । सामाजिक अभियान्ताहरु एकजुट भएर हामी कसैले नेतृत्वमा रहेर फोहोर उठाउने र यस्को व्यवस्थापन गर्न सिटौलाले आग्रह गरेकी छिन।
