खोटाङ। पहिचानवादी समर्थकहरुकाे बन्दका कारण खोटाङबाट भएर चल्ने लामो तथा छोटो दुरीको यातायातका साधनहरु ठप्प भएका छन्।
नेकपा एमालेको संकल्प यात्रालाई प्रतिरोध गर्न मंसिर २६ गतेदेखि उदयपुरको घुर्मीबजारदेखि भोजपुरको लेगुवाघाटसम्म गरिएको अनिश्चितकालिन यातायात बन्दलाई सफल बनाउन गत २६ गत्ते आन्दाेलनमा निस्केका पूर्व संस्कृति मन्त्री समेत रहेका गोपाल किराती र संघर्ष समिति झापा संयोजक पाण्डपलाल चौधरी लगायत खोटाङ, भोजपुर, धनकुटा, तेह्रथुम, संखुवासभा, उदयपुरबाट पक्राउ परेका ३५ जना नेता तथा कार्यकर्ताहरुलाइ सरकारले हिरासत मुक्त नगरेका कारण प्रदेश नं.१ पुनः नामाङकन संयुक्त संघर्ष समितिले आज मंसिर २६ र भोलीपाैस १ गत्ते प्रदेशभरी यातायात बन्द घोषणा गरेका छन्।
यसै अन्तर्गत प्रदेश नं.१ पुनः नामाङकन संयुक्त संघर्ष समिति खोटाङले पनि आज बिहानैबाट सदरमुकाम दिक्तेलबजार रत्नपार्कको जिरोप्वइन्टमा बसेर यातायात ठप्प पारेका छन्। पहिचानवादी याेद्धाहरु सदरमुकाम लगाएत जिल्ला प्रवेशकाे नाकाहरुमा बसेर मोटरसाइकल समेत चल्न दिएका छैनन्।
खोटाङमा प्रहरीले मन्त्री किरातीसहित जसपा नेता एवंम् हलेसी तुवाचुङ युवा सह संयोजक राजेश राई, जसपा नेता गन्धमान राई, हलेसी तुवाचुङ युवा सह संयोजक विजय राईलाई हलेसीबाट र खोटाङकै नुनथलाबाट नेपाल आदिवासी जनजाति महासंघ खोटाङका महासचिव उदिम चाम्लिङ राईलाई पक्राउ गरेको थियो । पक्राउ परेका मन्त्री किरातीसहित ५ जनालाई अभद्र व्यवहार मुद्दामा प्रहरीले हिरासतमा राखेका छन्।
पक्राउ परेका आफ्ना नेताहरुलाई बिना शर्त रिहा गर्न भन्दै शुक्रबार संघर्ष समिति खोटाङका संयोजक युगसन किरातसहितका पहिचानवादी याेद्धाहरुले खाेटाङका प्रमुख जिल्ला अधिकारी सन्त बहादुर सुनारलाई ज्ञापन पत्र समेत बुझाएका थिए।
अन्य समयभन्दा आज यातायातका साधनहरु तुलनात्मक रुपमा कम चलेको खोटाङका डिएसपी पुरुषोत्तम खड्का बताउँछन् भने, बिहानै भोजपुरबाट आएका ५/६ वटा गाडीलाई स्कटीङमा गन्तब्यतर्फ पठाईएको छ। काठमाण्डौ तराई जाने भएमा आफू खुशी यातायात नचलाउन र प्रहरीलाई खबर गरेमा स्कटीङ गरेर गन्तब्यमा पठाईने डिएसपी खड्काले बताए।
संघर्ष समिति झापा संयोजक चौधरी कोशी प्रदेशका मुख्यमन्त्री केदार कार्कीलाई झापामा कालो झण्डा देखाएको आरोपमा बिर्तामोडबाट पक्राउ परेका थिए।
तस्विर तथा सामग्री समायाेजन खबरबाट लिइएकाे हाे
